بۇگىن الماتى قالاسىنا ءىس–ساپارمەن كەلگەن پرەمەر–مينيستر ءاليحان سمايىلوۆ "Champءىon" سپورت كەشەنىنىڭ تانىستىرىلۋىنا باردى. بۇل نىسان قايىرىمدىلىق قورىنىڭ قولداۋىمەن سالىنعان بولاتىن. سونىمەن قاتار پرەمەر–مينيستر سپورت كەشەنىندە الماتى اكىمىنىڭ ورىنباسارى ارمان قىرىقبايەۆتىڭ سپورت سالاسى بويىنشا جوسپارلارىمەن تانىستى.

"مۇنداي سپورت نىساندارى قالا تۇرعىندارىنىڭ سالاۋاتتى ءومىر سالتىن ۇستانۋىنا سەپتىگىن تيگىزەدى. دەنە شىنىقتىرۋ نىساندارىن ارتتىرۋ ءۇشىن جەكە ينۆەستيسيا تارتۋ كەرەك. سوندىقتان باسقا كاسىپكەرلەردىڭ الەۋمەتتىك جوبالاردى قارجىلاندىرۋىنا دا ۇلگى كورسەتىپ وتىرسىزدار. قاي جاعىنان الىپ قاراساق تا، بۇل نىساننىڭ ماڭىزى زور" دەدى پرەمەر–مينيستر سپورت نىسانىنىڭ تانىستىرىلۋىندا.

الماتى قالاسى اكىمىنىڭ ورىنباسارى ارمان قىرىقبايەۆتىڭ ايتۋىنشا، قالا تۇرعىندارىنىڭ 37 پايىزى سپورتپەن شۇعىلدانادى. ونىڭ ىشىندە بالالار مەن جاسوسپىرىمدەر سانى 383 مىڭدى قۇرايدى.

"مەملەكەت باسشىسىنىڭ تاپسىرماسىنا ساي جىل سايىن 3 دەنە شىنىقتىرۋ ورتالىعىن سالاتىن بولامىز. سونىمەن قاتار 7،7 ملدر تەڭگە بولىنگەن اتى شۋلى ات سپورتىن دا قولعا الۋدامىز. بيىل 3000 نان استام سپروتتىق شارا وتكىزۋ ويىمىزدا بار، ونىڭ ىشىندە 35ء-ى حالىقارالىق دارەجەدەگى سايىس بولماق. رەسپۋبليكامىز ءۇشىن اسا ماڭىزدى "مەدەۋ" سپورت كەشەنى مەن ورتالىق ستاديوندى مودەرنيزاسيادان وتكىزۋ جوسپارلانۋدا، سوندىقتان مەملەكەت تاراپىنان قولداۋ كۇتەمىز" دەدى ارمان قىرىقبايەۆ.