كەشە مولدوۆاداعى كيشينيەۆ قالاسىندا وپپوزيسيالىق توپتار نارازىلىق شەرۋىنە شىقتى. پوليسيا شەرۋ رەسەيلىك ارنايى قىزمەتتىڭ ارانداتۋىمەن ءوتتى دەگەن كۇدىكپەن 7 ادامدى ۇستادى، دەپ جازادى Dw.com.
مولدوۆادا جارىق پەن جىلۋ باعاسىنىڭ وسۋىنە بايلانىستى داعدارىس بولىپ جاتىر. نارازى حالىق ۇكىمەتتەن قىس ايلارىندا حالىقتىڭ كوممۋنالدىق تولەمدەرىن وتەۋ تۋرالى ءبىر تاۋلىك ىشىندە جاۋاپ بەرۋدى تالاپ ەتىپ وتىر. ولار پوليسيا قورشاۋىن بۇزىپ ءوتىپ، ۇكىمەت عيماراتىنىڭ الدىنا دەيىن بارماق بولعان.
ەسكە سالا كەتەيىك، اقپان ايىندا ۋكراينا پرەزيدەنتى ۆلاديمير زەلەنسكيي رەسەي مولدوۆانى باسىپ الۋدى جوسپارلاپ وتىرعانىن مالىمدەگەن ەدى. سودان كەيىن مولدوۆا پرەزيدەنتى ماييا ساندۋ ەلدەگى تۇراقسىزدىققا ءقاۋىپ ءتونىپ تۇرعانىن جانە رەسەي مەملەكەتتىك مەكەمەلەرگە شابۋىل جاساۋى مۇمكىن ەكەنىن ەسكەرتتى.
پىكىر قالدىرۋ