ءماجىلىستىڭ VIII شاقىرىلىمىنىڭ العاشقى وتىرىسىندا كوميتەت ءتوراعالارى سايلاندى. ولاردىڭ ىشىندە بۇرىنعى وقۋ–اعارتۋ ءمينيسترى اسحات ايماعامبەتوۆ تە بار.
اسحات ايماعامبەتوۆ تومەنگى پالاتانىڭ كوميتەت ءتوراعاسى بولىپ بەكىتىلدى، دەپ مالىمدەدى قازاقستان پارلامەنتىنىڭ ءماجىلىسى رەسمي سايتىندا.
"ءبىزدىڭ تاراپىمىزدان الەۋمەتتىك–مادەني دامۋ كوميتەتىنە اسحات قانات ۇلى ايماعامبەتوۆتىڭ كانديداتۋراسى ۇسىنىلادى" – دەدى دەپۋتات ەلنۇر بەيسەمبايەۆ.
دەپۋتتار اسحات ايماعامبەتوۆتىڭ كانديداتۋراسىن ءبىراۋىزدان ماقۇلداعان.
ەسكە سالا كەتەيىك، بۇگىن استانادا VIII سايلانعان پارلامەنتتىڭ العاشقى سەسسياسى ءوتىپ، ءماجىلىس ءتوراعالىعىنا ەرلان قوشانوۆ قايتا سايلانعان بولاتىن.
پىكىر قالدىرۋ