الماتى تۇرعىندارى TikTok الەۋمەتتىك جەلىسىندە اقشانى الۋ جانە ۇتىستاردى بانك اۋدارىمدارى ارقىلى بەرۋمەن ونلاين قۇمار ويىنداردى ۇيىمداستىرعان، دەپ جازادى Qamshy.kz اقپارات اگەنتتىگى. بۇل تۋرالى قارجىلىق مونيتورينگ اگەنتتىگى حابارلادى. 

"قما قالالىق دەپارتامەنتى الەۋمەتتىك جەلىدە زاڭسىز ويىن بيزنەسىن ۇيىمداستىرۋشىلاردىڭ ارەكەتىن توقتاتتى.تەرگەۋ بارىسىندا ازاماتتاردىڭ الەۋمەتتىك جەلىلەردە 4 اي ىشىندە زاڭسىز ويىن بيزنەسىن ۇيىمداستىرىپ، 13 ميلليون تەڭگەگە جۋىق  اسا ءىرى كولەمدە كىرىس العانى دالەلدەندى. الماتى قالاسىنىڭ ەكى تۇرعىنى كىنالى دەپ تانىلىپ، 1،5 جىلعا باس بوستاندىعىنان ايىرىلدى"، دەلىنگەن حابارلامادا. 

سونىمەن قاتار، سوت زاڭسىز ويىن بيزنەسى سالاسىندا اسا ءىرى كولەمدە كىرىس الۋ ارقىلى وسىعان ۇقساس قۇقىق بۇزۋشىلىق جاساعان 4 تۇلعاعا قاتىستى ءىستى قاراۋدا.