ماڭعىستاۋ وبلىسى جەتىباي كەنتىندە جۇمىس تالاپ ەتكەن 14 ادام اشتىق جاريالادى. اشتىق اكسياسى 29 ناۋرىز كۇنى كەشكە باستالعان.
جەتىباي كەنىشى ماڭىنداعى جۇزدەن استام تۇرعىن 28 ناۋرىزدان بەرى جەتىبايلىقتارعا بولىنەتىن جۇمىس سانىن ۇلعايتۋدى تالاپ ەتىپ نارازىلىق جاساپ جاتقان بولاتىن.
سونىمەن قاتار، تۇرعىندار پرەزيدەنت پەن ماڭعىستاۋ وبلىسىنىڭ اكىمى نۇرلان نوعايەۆقا مالىمدەمە جاساپ، ماسەلەگە ارالاسۋدى ءوتىنىپ، وزدەرىن قۋدالاماۋدى دا سۇراعان. قولدارىندا ونى دالەلدەيتىن قۇجاتتارى دا بار، – دەپ حابارلايدى ازاتتىق راديوسى.
كۇندىز–ءتۇنى دالادا قونىپ جاتقان نارازىلىق بىلدىرۋشىلەر باستارىنا "اشتىق" دەگەن جازۋى بار اق ورامال بايلاپ العان.
"ماڭعىستاۋمۇنايگاز" كومپانياسى 28 ناۋرىزدا جولدى جاپقان نارازىلاردىڭ كەسىرەن بىرنەشە ءجۇز كولىك جۇرە الماي قالعانىن ايتقان ەدى. الايدا ايماق بيلىگى اشتىق پەن نارازىلاردىڭ تالابىنا تۇسىنىكتەمە بەرمەدى.
پىكىر قالدىرۋ