2022 جىلدىڭ باسىنان بەرى قازاقستاننىڭ پرەمەر-مينيسترى قىزمەتىن اتقارىپ كەلە جاتقان ءاليحان سمايىلوۆ ءوز قىزمەتىن جالعاستىراتىن بولدى. بۇعان دەيىن "AMANAT" پارتياسىنىڭ اتىنان جاڭا پرەمەر-مينيستر لاۋازىمىنا ءاليحان اسحان ۇلى سمايىلوۆتىڭ كانديداتۋراسى ۇسىنىلعان بولاتىن.
“جاڭا عانا فراكسيا جەتەكشىلەرىمەن كەزدەستىم. ورتاق مامىلەگە كەلدىك. ءاليحان سمايىلوۆتىڭ كانديداتۋراسىن ۇسىنامىن. بىلىكتى ءارى تاجىريبەلى مامان. جۇمىسقا ادام، ەڭبەكقور ادام. ۇكىمەت الدىنداعى مىندەتتەردى جاقسى بىلەدى. جاڭا ۇكىمەتتىڭ تىزگىنىن سەنىپ تاپسىرۋعا بولادى دەپ سانايمىن. ءماجىلىستىڭ كەلىسىم بەرۋىن سۇرايمىن”، – دەدى توقايەۆ.
داۋىس بەرۋ كەزىندە سمايىلوۆ باسىم داۋىسپەن پرەمەر-مينيستر قىزمەتىندە قالدى.
ايتا كەتەيىك، ءاليحان سمايىلوۆ 1972 جىلى الماتى قالاسىندا دۇنيەگە كەلگەن.
2022 جىلعى 11 قاڭتاردا ق ر پرەزيدەنتىنىڭ جارلىعىمەن ق ر پرەمەر-مينيسترى لاۋازىمىنا تاعايىندالدى.
پىكىر قالدىرۋ