2023 جىلعى 4 ساۋىردە الماتى قالاسىندا ءدىن ىستەرى جونىندەگى باسقارماسىنىڭ تاپسىرىسى بويىنشا «JASTAR» دامىتۋ ورتالىعى» جاستار قوعامدىق بىرلەستىگىنىڭ ۇيىمداستىرۋىمەن «بىرنەشە نوميناسيالار بويىنشا ءدىن سالاسىنىڭ وزەكتى ماسەلەلەرى تۋرالى ۇزدىك ماتەريالداردى (ماقالالار، الەۋمەتتىك روليكتەر جانە ت.ب.) دايىنداۋ بايقاۋى» بويىنشا باسپا ءسوز كونفەرەنسياسى ءوتتى.
كونفەرەنسيا بارىسىندا الماتى قالاسى ءدىن ىستەرى جونىندەگى باسقارماسىنىڭ وكىلى باقداۋلەت حاليلۋللا ۇلى بايقاۋدى ۇيىمداستىرۋداعى ماقسات-مىندەتتەرى، بايقاۋ شارتتارى مەن ەرەجەسىن تانىستىردى.
ەرەجەگە سايكەس بايقاۋ 4 نوميناسيا بويىنشا وتكىزىلەدى. جالپى جۇلدە قورى – 1 350 000 تەڭگە.
بايقاۋعا 18 جاستان جوعارى الماتى قالاسىنىڭ بارلىق تۇرعىندارى قاتىسا الادى.
بايقاۋعا قاتىسۋ ءۇشىن قاتىسۋشىلار ءوز جۇمىستارىن جانە وزدەرى تۋرالى اقپاراتتى almaty.baiqau.2023@gmail.com ەلەكتروندى مەكەنجايعا وسى جىلدىڭ 1 قازانىنا دەيىن جولداي الادى. بايقاۋ تۋرالى تولىق اقپارات پەن ءار نوميناسيا بويىنشا تالاپتاردى الماتى قالاسى ءدىن ىستەرى جونىندەگى باسقارماسىنىڭ رەسمي سايتى مەن din_almaty رەسمي اككاۋنتىندا جاريالانعان ەرەجەدەن كورە الادى.
اتالعان بايقاۋعا قاتىستى سۇراقتار بويىنشا مىنا تەلەفون نومەرلەرىنە حابارلاسۋعا بولادى: +7 (702) 313 1191، +7(775) 477 7616.
پىكىر قالدىرۋ