زەينەتكە شىعۋىنا بەس جىلدان از ۋاقىت قالعان مۇعالىمدەر اتتەستاتتاۋ راسىمىنەن بوساتىلادى، دەپ مالىمدەدى وقۋ–اعارتۋ ءمينيسترى لاۋازىمىندا قالعان عاني بەيسەمبايەۆ.
"مۇعالىمدەر تەست تاپسىرمالارىنىڭ ساپاسىن ارتتىرىپ، ەسسە جازۋدى الىپ تاستاۋ كەرەگىن ءجيى ايتادى. سوندىقتان مەملەكەت باسشىسىنىڭ تاپسىرماسىمەن اتتەستاتتاۋ فورماتىنا وزگەرتۋ ەنگىزۋ جوسپارلانۋدا. سىبايلاس جەمقورلىققا جول بەرمەۋ ءۇشىن مۇعالىمدەردىڭ ماتەريالدارىن قاراۋ ءبىرىڭعاي ەلەكتروندى پلاتفورمادا جۇزەگە اساتىن بولادى. ەندى تەكسەرۋ ادامنىڭ قاتىسۋىنسىز اۆتوماتتى تۇردە جاسالادى"، – دەدى ول.
سونىمەن قاتار، بەيسەنبايەۆ اتتەستاتتاۋ كەزىندە مۇعالىمدەردىڭ قۇجاتتاردى ەلەكتروندى جانە قاعاز نۇسقادا جيناۋى، كوميسسيانىڭ قۇجاتتاردى قاراۋ مەرزىمىنىڭ ۇزاقتىعى باستى ماسەلە ەكەنىن اتاپ ءوتتى .
"رەسپۋبليكالىق دەڭگەيدە ساراپشىلىق توپتارعا بەلسەندى قاتىسقان، 30 جىلدان اسا پەداگوگيكالىق ءوتىلى بار مۇعالىمدەر مەن "شەبەر-پەداگوگ" ساناتى بار پەداگوگتار، مۇعالىمدەردىڭ بىلىكتىلىگىن ارتتىرۋ كۋرستارىنىڭ ترەنەرلەرى تەستىلەۋدەن وتپەيدى"، – دەدى مينيستر.
ەسكە سالا كەتەيىك، بۇعان دەيىن پرەزيدەنت ءبىلىم بەرۋ ماسەلەسىن كوتەرىپ، مۇعالىمدەردىڭ بىلىكتىلىگىن ارتتىرۋدى تاپسىرعان ەدى.
پىكىر قالدىرۋ