قاماۋعا الىنعان اقش–تىڭ بۇرىنعى پرەزيدەنتى دونالد ترامپقا نيۋ-يوركتەگى سوت وتىرىسىندا 34 پۋنكت بويىنشا ايىپ تاعىلدى. الايدا اق ءۇيدىڭ بۇرىنعى باسشىسى وزىنە تاعىلعان ايىپتىڭ ەشبىرىن مويىندامادى، دەپ حابارلايدى CNN

سوتتا ساياساتكەرگە زاڭسىز ارەكەتتەرىن جاسىرۋ ماقساتىندا ىسكەرلىك قۇجاتتامالاردى بۇرمالادى، سونداي–اق 2016 جىلعى پرەزيدەنتتىك سايلاۋ ناۋقانىندا بولىنگەن قاراجاتتى ءجونسىز پايدالاندى دەگەن ايىپ تاعىلعان.

بۇل ايىپتاۋلار 2016 جىلعى پرەزيدەنتتىك ناۋقان كەزىندە قارىم–قاتىناسىن جاسىرۋ ءۇشىن اكتريسا ستورمي دەنيەلسكە اقشا بەردى دەگەن كۇدىكپەن تەرگەۋ جۇرگىزىلۋىنە بايلانىستى تۋىنداپ وتىر.

تىلشىلەردىڭ ايتۋىنشا، ترامپ بىردە–ءبىر تارماق بويىنشا وزىنە تاعىلعان ايىپتى مويىنداماعان. سوت وتىرىسىنان كەيىن ايىپتالۋشى قاماۋدان بوساتىلىپ، سوت عيماراتىنان شىعىپ كەتكەن. كەيىن ونىڭ جوسپارلانعان ءىس–شاراعا قاتىسۋ ءۇشىن فلوريداعا ۇشىپ كەتكەنى بەلگىلى بولدى.

باسىلىم دونالد ترامپتىڭ ءىسى بويىنشا كەلەسى سوت وتىرىسى 4 جەلتوقسانعا قويىلىپ، تىڭداۋلار نيۋ–يوركتە وتەتىنىن اتاپ ءوتتى.

ەسكە سالا كەتەيىك، دونالد ترامپ اقش تاريحىندا رەسمي تۇردە قىلمىستىق باپ بويىنشا ايىپ تاعىلعان العاشقى پرەزيدەنت بولىپ وتىر.