تالدىقورعان قالالىق سوتى الماتى وبلىسى ۇقكد–نىڭ بۇرىنعى باسشىسى ءسابيت قۇرمانالييەۆتى التى جىلعا باس بوستاندىعىنان ايىردى. ول قاڭتار وقيعاسى كەزىندە قاراماعىنداعىلارعا دەپارتامەنت عيماراتىن بوساتىپ، قۇپيا قۇجاتتاردى جويۋدى بۇيىرعان.

"الماتى وبلىسىنىڭ ۇقك باسشىسى بولا تۇرا، ول ءوزىنىڭ مىندەتىنە سالعىرت قاراعان. 2022 جىلى 5 قاڭتاردا ورىن العان وقيعالاردى كورە تۇرا، جەكە قۇرامعا دەپارتامەنت عيماراتىن قورعاماۋ تۋرالى بۇيرىق بەرگەن. قىزمەتتىك جانە قۇپيا قۇجاتتامالاردى جويىپ، قول استىنداعىلاردى تاراتىپ جىبەرگەنىنىڭ سوڭى ۇقك عيماراتىن باسىپ الۋعا اكەلدى"، – دەلىنگەن تالدىقورعان قالالىق سوتىنىڭ باسپا ءسوز قىزمەتى تاراتقان حابارلامادا.

ءىستىڭ تولىق ءمان–جايى "قۇپيا" دەپ تانىلىپ، جاريالانبايدى.

سوت الماتى وبلىسى ۇقك–نىڭ ەكس–باسشىسىن 362 باپتىڭ 4 بولىگى بويىنشا ءوز وكىلەتىن اسىرا پايدالانىپ جانە ونىڭ سوڭى زارداپقا الىپ كەلگەنى ءۇشىن كىنالى دەپ تانىدى. ول التى جىلعا سوتتالىپ، 10 جىل بويى قۇقىق قورعاۋ ورگاندارىندا جۇمىس ىستەۋ قۇقىعىنان ايىرىلدى، دەپ حابارلايدى informburo.kz

سونىمەن قاتار، ءسابيت قۇرمانالييەۆتى ۇقك گەنەرال–مايورى اتاعى مەن مەملەكەتتىك ناگرادا، وردەندەرىنەن ايىرۋ تۋرالى ۇسىنىس تاستالدى .

سوت ۇكىمى زاڭدى كۇشىنە ەنگەن جوق.