ۇلتتىق ستاتيستيكا بيۋروسى ءبىر جىل ىشىندە 44،5 مىڭ ەرلى-زايىپتى اجىراسقانىن حابارلادى.  بۇل ستاتيستيكا 2021 جىلمەن سالىستىرعاندا 7،7% از. 

سونداي-اق 33،2 مىڭ اجىراسۋ (74،6%) قالالاردا تىركەلسە، اۋىلدىق جەرلەردە 11،3 مىڭ اجىراسۋ (25،4%) تىركەلدى.

اجىراسۋدىڭ ەڭ جوعارعى كورسەتكىشى استانا قالاسىندا بايقالادى. بۇل قالادا اجىراسۋدىڭ جالپى كوەففيسيەنتى 1000 تۇرعىنعا 3،24، ال ەڭ تومەنگى تۇركىستان وبلىسىندا – 1000 تۇرعىنعا شاققاندا 0،98 وقيعانى قۇرادى.

2022 جىلى قازاقستاندا 128،4 مىڭ نەكە تىركەلگەن، بۇل وتكەن جىلمەن سالىستىرعاندا 8،5% از. ستاتيستيكا بويىنشا، وتكەن جىلى 85،4 مىڭ نەكە (66،5%) قالالاردا، 43،0 مىڭ نەكە (33،5%) اۋىلدىق جەرلەردە تىركەلگەن. 

ەرلەردىڭ 79،1%-ى جانە ايەلدەردىڭ 81،0%-ى ءبىرىنشى رەت ۇيلەنسە، ەرلەردە اجىراسقاننان كەيىن نەكەنى تىركەۋ ۇلەسى 19،6%، ايەلدەردە - 17،6% بولعان.