"قمگ ءبىزدى تۇراقتى جۇمىستان باس تارتقانداي كورسەتىپ وتىر": جاڭاوزەندىك مۇنايشىلارمەن كەلىسسوز بولمادى

/image/2023/04/20/crop-84_27_656x1165_photo_5334966882421294288_w.jpg

20 ساۋىردە ساعات 11 گە بەلگىلەنگەن قازمۇنايگاز بەن جاڭاوزەندىك مۇنايشىلار اراسىنداعى كەلىسسوز وتپەي قالدى. قمگ مۇنايشىلارعا كوميسسيا قۇرىلىپ، جاڭاوزەنگە اتتانعانىن ايتقان، دەپ حابارلادى ازاتتىق راديوسى.

"كوميسسيا قۇرامىنا كىمدەر كىرگەنى، نە ماقساتپەن قۇرىلعانى بەلگىسىز" – دەيدى مۇنايشىلار. سونىمەن قاتار، جاڭاوزەندىكتەر ءبىر كۇن بۇرىن "مۇنايشىلارعا تەندەر ۇتقان مەكەمەلەردەن تۇراقتى جۇمىس ۇسىندىق، ءبىراق ولار باس تارتتى" دەگەن قمگ ءتوراعاسىنىڭ ءسوزىن تەرىستەپ، نارازى بولدى.

"قمگ باسشىسى ءبىزدى تۇراقتى جۇمىستان باس تارتقانداي قىلىپ وتىر. ءبىز وزەنمۇنايگازعا ەنشىلەس مەكەمەلەردەگى جاعدايدى جاقسى بىلەمىز. ونداعى ەڭبەك جاعدايى، تەحنيكا قاۋىپسىزدىگى ساقتالمايدى. تەحنيكا، قۇرال–جابدىق ەسكىرىپ كەتكەن. بىلتىر "كەزبيدە" ەڭبەك قاۋىپسىزدىگى ساقتالماعاندىقتان، ءبىر ماشينيست جانىپ كەتتى. ءبىز سول مەكەمەلەردە ەڭبەك ستاندارتى ساقتالعانىن تالاپ ەتەمىز. ودان كەيىن ءبىرىڭعاي ەڭبەكاقى جۇيەسىن ەنگىزۋ كەرەك. ومگ عا ەنشىلەس مەكەمەلەردەگى جۇمىسشىلار ءبىر جۇمىس اتقارعانىمەن، ءارتۇرلى جالاقى الادى. ءبىز ءبىر جۇمىس، ءبىر جالاقى بولعانىن تالاپ ەتىپ وتىرمىز” – دەدى مۇنايشىلاردىڭ ءبىرى.

سونداي–اق، مۇنايشىلار استاناداعى كەلىسسوزگە قاتىستى كونفەرەنسيا وتكىزەتىنىن ايتىپ وتىر.

"قمگ ءبىزدى تۇراقتى جۇمىستان باس تارتقانداي كورسەتىپ وتىر": جاڭاوزەندىك مۇنايشىلارمەن كەلىسسوز بولمادى

قاتىستى تەگتەر :

پىكىر قالدىرۋ

قاتىستى ماقالالار