ءماجىلىس دەپۋتاتى اسحات ايماعامبەتوۆ ماجىلىستە مەدەسينا ساقتاندىرۋداعى ماسەلەلەردى كوتەردى. ول ءمامس جۇيەسى ارقىلى مەديسينالىق كومەك العىسى كەلگەن ادامدار ايلاپ كەزەك كۇتۋگە ءماجبۇر ەكەنىن ايتتى. 

"ءقازىر ازاماتتار اۋرۋحانا بارىپ، تەكسەرىستەن تەگىن وتەمىن دەسە، وندا ءبىر اي نەمەسە ءۇش اي كۇتۋ كەرەك. ال ەگەر سول ادامدار سول تەكسەرىستەن اقىلى وتەمىن دەسە، ءدال سول ۋاقىتتا نەمەسە ءۇش مينۋتتا وتۋىنە بولادى. سوندىقتان ەرىكسىزدەن اقىلى قىزمەتتى الۋىنا ءماجبۇر بولىپ، وندا "ءبىز نە ءۇشىن اي سايىن جالاقىمىزدان جارنانى تولەيمىز" دەيدى. بۇل نەگىزىنەن جاساندى پروبلەما. ويتكەنى ەنگىزىلگەن قارجىلاندىرۋ جۇيەسىنە دە بايلانىستى بولىپ تۇر. مىسالى، ەمحانالار ءىس جۇزىندە اي سايىن كۆوتا ارقىلى قارجى الادى. ماسەلەن، ءبىر ايعا كت جاساۋعا 10 كۆوتا، مرت جاساۋعا 5 كۆوتا بەرىلەدى. ال، ەگەر كت-عا سۇرانىس ودان كوپ بولسا، وندا پاسيەنتتى دارىگەر كەلەسى ايلارعا جازۋعا ءماجبۇر. وسىنى ەسكەرە وتىرىپ، اي سايىنعى قارجىلاندىرۋدان باس تارتۋ كەرەك. كورسەتىلگەن قىزمەتتەر فاكتىسى بويىنشا تولەنۋگە ءتيىس"، دەدى مينيستر. 

اسحات ايماعامبەتوۆ ناۋقاستارعا مەديسينالىق ورتالىقتى تاڭداۋ ەركىندىگىن بەرۋ كەرەگىن العا تارتتى. 

"ءقازىر ەمحانالار ءىس جۇزىندە اي سايىن كۆوتا ارقىلى قاراجات الادى. مىسالى، ءبىر ايعا كت جاساۋعا ون كۆوتا، مرت جاساۋعا بەس كۆوتا بەرىلەدى. ال، ەگەر ناۋقاستار سانى بۇدان كوپ بولسا، وندا دارىگەر ناۋقاستى كەلەسى ايعا جازۋعا ءماجبۇر. وسىنى ەسكەرسەك، اي سايىنعى قارجىلاندىرۋدان باس تارتۋ كەرەك. كورسەتىلگەن قىزمەتتەردىڭ اقىسى فاكت بويىنشا تولەنۋى كەرەك. ناۋقاستارعا مەديسينالىق ۇيىمدى تاڭداۋدا ەركىندىك بەرىپ، تۇسىنىسپەۋشىلىك بولماۋ ءۇشىن تەگىن مەديسينالىق كومەكتىڭ كەپىلدەندىرىلگەن كولەمى مەن مەد ساقتاندىرۋ پاكەتىن ناقتىلاۋدى ۇسىنامىن"، - دەپ ايتتى ايماعامبەتوۆ. 

بۇدان بولەك مينيستر مەديسينا سالاسىندا دا قاعازباستىلىق ماسەلەسى بارىن، دارىگەرلەر ناۋقاستى قاراپ، تەكسەرەتىن ۋاقىتىن كومپيۋتەر شۇقىلاپ وتىرۋعا ءماجبۇر ەكەنىن جەتكىزدى. 

"بۇگىندە دارىگەرلەر پاسيەنتتەردى تەكسەرۋدىڭ ورنىنا كومپيۋتەرلەرگە تەلمىرىپ، دەرەكتەردى ءتۇرلى اقپاراتتىق جۇيەلەرگە ەنگىزۋگە، فورمۋلياردى تولتىرۋعا ءماجبۇر بولعاندىقتان، ناۋقاستاردى قاراۋعا ءتىپتى ۋاقىتى دا جوق. ءبىر پاسيەنتتى تەكسەرۋدىڭ ستاندارتپەن شەكتەلگەن ۋاقىتى تولىعىمەن كومپيۋتەردە جۇمىس ىستەۋگە كەتىپ وتىر. سوندىقتان بارلىق قۇجاتتامانى تولتىرۋدى مەدبيكەلەرگە تاپسىرۋ، شتات سانىن كوبەيتۋ ارقىلى دارىگەرلەردىڭ جۇكتەمەسىن ازايتۋ قاجەت. ءبىرىڭعاي اقپاراتتىق جۇيەنى ىسكە قوسۋ بويىنشا جۇمىستى شۇعىل اياقتاۋ كەرەك"، – دەپ اتاپ ءوتتى دەپۋتات.