قاڭتار وقيعاسىندا قازاقستاننىڭ تۋىن كوتەرىپ شىققان بەلسەندى بەرىك ابىشيەۆتىڭ باسىنا وق تيگەن بولاتىن. سونىڭ سالدارىنان 9 وتا جاساتقان بەلسەندىنىڭ قازىرگى جاعدايى ءماز ەمەس. قامشى رەداكسياسى بەرىك ابىشيەۆتىڭ ۇيىنە بارىپ، حال–جاعدايىن ءبىلىپ قايتتى.
بۇگىندە قول–اياعى جانسىزدانىپ، ارباعا تاڭىلعان ول سويلەۋگە دە قينالادى. قاڭتار وقيعاسى جايلى سۇراعانىمىزدا ەسىندە ەشتەڭە جوق ەكەنىن ايتتى. بەرىك ابىشيەۆتىڭ اعاسى ەرىك ابىشيەۆتىڭ ايتۋىنشا، بەلسەندىگە تاعى دا وتا جاساۋ كەرەك.
"تولىقتاي ساۋىعىپ كەتپەسە دە، باۋىرىمنىڭ بەتى بەرى قاراپ كەلەدى. ورنىنان تۇرىپ كەتەتىنىنە ءۇمىتىم زور. كۇزدە تاعى ءبىر وتا جاساتۋدى جوسپارلاپ وتىرمىز" – دەدى بەلسەندىنىڭ اعاسى.
سونىمەن قاتار، ول ءىنىنسىنىڭ العاشقى 4 وتاسىنا قازاق حالقى قاراجات جيناپ بەرگەنىن ايتىپ، العىسىن ءبىلدىردى. قازىرگى تاڭدا بۋلات ابيلوۆ كومەكتەسىپ جاتقانىن دا جاسىرمادى.
الاڭعا قازاقستاننىڭ تۋىن كوتەرىپ شىققان ازاماتقا وق اتقان ادامنىڭ كىم ەكەنى سول كۇيى جۇمباق.
پىكىر قالدىرۋ