قورعانىس مينيسترلىگىنىڭ وكىلى "ۆاگنەر" جەكەمەنشىك اسكەري كومپانياسىنا وتكەن قازاقستاندىق تۋرالى پىكىر ءبىلدىردى.
ق ر قارۋلى كۇشتەرى قۇرلىق اسكەرلەرى باس قولباسشىسىنىڭ ءبىرىنشى ورىنباسارى قانىش ابۋباكىروۆتىڭ سوزىنشە، ۋكرايناعا قارسى سوعىساتىن جاساق ساپىنا قوسىلعان مارعۇلان بەكەنوۆ قازاقستان قارۋلى كۇشتەرىنىڭ قۇرامىندا بورىشىن وتەۋگە جارامسىز دەپ تانىلعان.
"ول ازامات تۋرالى ايتساق، قازاقستان رەسپۋبليكاسى قارۋلى كۇشتەرىنىڭ قۇرامىندا اسكەري قىزمەت ەتۋگە جارامسىز بولعان. قالعان مالىمەتكە كەلسەك، قازىرگى تاڭدا بۇل ماسەلەمەن اينالىسىپ جاتقان وزگە ورگاندار بار. سولار اتالعان ازاماتتىڭ ارەكەتىنە قۇقىقتىق باعا بەرەدى"، – دەدى باس شتاب باستىعى.
ەسكە سالا كەتەيىك، بۇعان دەيىن رەسەيدە وقيتىن قازاقستاندىق ستۋدەنت مارعۇلان بەكەنوۆتىڭ "ۆاگنەر" قۇرامىنا ءوز ەركىمەن كىرگەنى تۋرالى ۆيدەو تاراعان ەدى.
ق ر ءسىم قازاقستاندىق جاستارعا “ۆاگنەر” سەكىلدى جاساقتارعا قوسىلعىسى كەلەتىندەر قازاقستاندا 5 جىلدان 9 جىلعا دەيىن سوتتالاتىنىن ەسكەرتتى.
دەرەككوز: Ulysmedia.kz
پىكىر قالدىرۋ