كاسىپكەر، قوعام بەلسەندىسى، قاڭتار وقيعاسىنان كەيىن كەڭىنەن تانىلعان دامير امانجولوۆ رەداكسيامىزعا سۇحبات بەرىپ، ساياسات، ءتىل جانە بيزنەس تۋرالى پىكىرلەرىمەن ءبولىستى.

"ءبىزدىڭ قوعامدا قازاقشا سويلەسەڭ ۇلتجاندى ازامات بولىپ كورىنەسىڭ. ال قازاق ءتىلىن بىلمەسەڭ، پاتريوت ەمەس سەكىلدى قابىلدايدى. ۇلتجاندىلىق قازاق ءتىلىن بىلۋمەن عانا ولشەنبەيدى. قازاقشا بىلمەيتىن ادامنىڭ ءتىلدى ۇيرەنۋگە تىرىسۋى دا – ۇلتجاندىلىق. قازاقستان ءۇشىن ەشتەڭە جاساماعان جانداردى قازاقشا سويلەگەنى ءۇشىن پاتريوت دەپ سانامايمىن"، – دەدى ول.

سونىمەن قاتار، دامير امانجولوۆ قورشاعان ورتاسى ورىس ءتىلدى بولعاندىقتان، قازاقشا سويلەۋگە قينالاتىنىن دا جاسىرمادى. بيزنەسمەن قازىرگى تاڭدا قازاق ءتىلىن ۇيرەنىپ ءجۇر جانە الداعى فورۋمداردا قازاقشا ءسوز سويلەيتىن نيەتى بار ەكەن دە ايتتى.

سۇحبات بارىسىندا قاڭتاردان كەيىن ءومىرى قالاي وزگەرگەنىن ايتىپ بەرىپ، وپپوزيسيا تۋرالى، بولات ءابىلوۆ پەن مۇحتار جاكىشيەۆ، ءتىپتى، ەل پرەزيدەنتى جايلى پىكىرىمەن ءبولىستى.

تولىق نۇسقاسىن "Qamshyger Perdeshkyzymen" جوباسىنان كورە الاسىزدار.