التىن وندىرىسىنە نارازى مارالدى اۋىلىنىڭ حالقى شىعىس قازاقستان وبلىسىنىڭ اكىمى دانيال احمەتوۆكە بەينەۇندەۋ جولدادى.
ولار ءبىر اي بۇرىن وتكىزگەن قوعامدىق تىڭداۋدى "زاڭسىز" دەپ ايىپتاپ، حاتتامانىڭ كۇشىن جويۋدى تالاپ ەتتى. ايتۋلارىنشا، كەن وندىرۋگە رۇقسات سۇراپ وتىرعان كومپانيا وكىلدەرى جينالىستا قويىلعان سۇراقتارعا جاۋاپ بەرە الماعان.
ءسوز بولىپ وتىرعان 28 ناۋرىزداعى قوعامدىق تىڭداۋدا "گرك Maralikha" كاسىپورىن وكىلدەرى فابريكا جۇمىسى ەكولوگياعا "زيان كەلتىرمەيتىنىن" ايتقان. حالىق اۋىر تەحنيكالار شارۋاشىلىققا جارامدى جەرلەردىڭ "قورىس–قوپاسىن شىعاردى" دەپ كەندى اشىق ادىسپەن الۋعا نارازىلىق بىلدىرگەن.
دانيال احمەتوۆ تۇرعىندارعا جاۋاپ بەرگەن جوق.
دەرەككوز: ازاتتىق راديوسى
پىكىر قالدىرۋ