ماڭعىستاۋلىق 18 جاسار نۇرلان اسكەردە وق–دارىلەردى تازارتۋعا جىبەرىلگەن. جۇمىس بارىسىندا سناريادتىڭ ءبىرى جاۋىنگەردىڭ قولىندا جارىلىپ، ەكى ساۋساعىنا زاقىم كەلتىرەدى. مۇنىمەن قوسا  وكشەسىنە زاقىم كەلىپ، دەنەسىندە وق ۇشقىنشاقتارى قالعان اسكەريدىڭ ءوزىن سوڭىندا كىنالى ەتىپ شىعارىپ، شارتتى تۇردە 1 جىلعا سوتتالعان.

وقيعا ماڭعىستاۋ وبلىسىنداعى بەكەت اتا پوليگونىندا ءبىر جارىم جىل بۇرىن بولعان. جاۋىنگەردىڭ اپكەسى ساربازدى ەش دايىندىقسىز وق–دارىلەردى تازارتۋعا جىبەرگەندىكتەن، ي سناريادىنىڭ ءبىرى ساربازدىڭ قولىندا جارىلعانىن ايتادى.

“جاۋىنگەردىڭ قولىندا ارنايى بەرەن ساۋىت بولۋى ءتيىس ەكەن. ول مۇندا ءقاۋىپتى قارۋ بولادى دەپ ويلاماعان. ويتكەنى ولاردى ارنايى دايىندىقسىز پوليگون تازارتۋعا جىبەرىلگەن. مەنىڭشە، بۇل دۇرىس ەمەس، سەبەبى ولار ارنايى مامان – ساپەر ەمەس”، – دەيدى نازىم ومىربايەۆا.

ون سەگىز جاسار نۇرلان وڭ قولىنداعى ەكى ساۋساعى مەن سول وكشەسىنەن ايىرىلعان. استانا ارناسىنىڭ حابارلاۋىنشا، دارىگەرلەر ونىڭ دەنەسىن وق قالدىقتارىنان تولىقتاي تازالاي الماعان. سونىمەن قاتار، سارباز بولعان وقيعاعا كىنالى دەپ تانىلىپ، ءبىر جىلعا شارتتى تۇردە باس بوستاندىعىنان ايىرىلعان.

ۇكىم شىعارىلعان اقتوبە گارنيزونى اسكەري سوتتا اسكەري قىزمەتكەردىڭ قارۋ ۇستاۋ ەرەجەسىن بۇزعانىن ايتتى. ءبىراق جابىرلەنۋشىنىڭ تۋىستارى بۇل ۇكىممەن كەلىسپەيدى. ولار تاجىريبەسىز ساربازدىڭ قورعانىس كيىمىنسىز وق–ءدارى تازالاۋمەن اينالىسپاۋى كەرەك ەكەنىنە سەنىمدى. ءقازىر جاس جاۋىنگەر جۇمىسقا جارامسىز بولىپ قالعان.