اعىمداعى جىلدىڭ 19 ءساۋىر كۇنى الماتى قالاسى قازاقستان حالقى اسسامبلەياسى اقساقالدار كەڭەسىنىڭ مۇشەلەرى – «يرنىحاس» وسەتين مادەني-اعارتۋ ورتالىعىنىڭ ءتوراعاسى كازبەك مامسۋروۆ، «ۇيعىرلار رەسپۋبليكالىق بىرلەستىگى» رەسپۋبليكالىق قوعامدىق بىرلەستىگىنىڭ ءتوراعاسى اكيمجان ارۋپوۆ، الماتى قۇرىلىس جانە حالىق قولونەر كوللەدجىنىڭ ستۋدەنتتەرى جانە وقىتۋشىلارىمەن «قازاقستان حالقى اسسامبلەياسىنىڭ قازىرگى ادىلەتتى قازاقستاننىڭ دامۋىنداعى ءرولى» تاقىرىبىنا كەزدەسۋ وتكىزدى.

اتالمىش ءىس-شارانىڭ مودەراتورى الماتى قالاسى قحا اقساقالدار كەڭەسىنىڭ مۇشەسى، د.قونايەۆ اتىنداعى ەۋرازيالىق زاڭ اكادەمياسىنىڭ «قازاقستان حالقى اسسامبلەياسى» كافەدراسىنىڭ مەڭگەرۋشىسى بولىسبەك باتتالحانوۆ بولدى.

الماتى قۇرىلىس جانە حالىق قولونەر كوللەدجىنىڭ ستۋدەنتتەرى مەن وقىتۋشىلارىنا قحا قىزمەتى، كوپەتنوستى، مادەني جانە كوپكونفەسسيالى قوعام قۇرۋعا قوسقان ەلەۋلى ۇلەسى تۋرالى، سونىمەن قاتار بارلىق ەتنوس وكىلدەرىنىڭ رۋحاني دامۋى، ەتنوسارالىق كەلىسىم مەن قازاقستان حالقىنىڭ بىرلىگى، گۋمانيزم، ەتنوستىق تەگىنە قاراماستان ءاربىر ازاماتتىڭ قۇقىقتارىن ۇيلەسىمدى ۇشتاستىرۋ قاعيداتتارىن جۇزەگە اسىرۋ تۋرالى ايتىلدى.

الماتى قالاسى قحا اقساقالدار كەڭەسىنىڭ مۇشەلەرى بۇگىنگى ءىس-شارادا ەلىمىزدىڭ تابىستى دامۋىنىڭ باستى شارتى ىشكى ساياسي تۇراقتىلىقتى، ازاماتتىق تاتۋلىق پەن ەتنوسارالىق كەلىسىمدى نىعايتىپ، ساقتاۋ ەكەنى ءسوزسىز وسكەلەڭ ۇرپاقتىڭ ەسىنە سالدى. بۇل – وسكەلەڭ ۇرپاقتىڭ بويىنا سىڭىرۋگە ءتيىستى باستى قۇندىلىقتاردىڭ ءبىرى.