2023 جىلى 18 ساۋىردە الماتىدا قازاقستاننىڭ ساياسي رەفورمالارىنىڭ ىسكە اسىرىلۋ بارىسىن حالىققا ءتۇسىندىرۋ ءۇشىن ساراپشىلار دايارلاۋ جونىندەگى رەسپۋبليكالىق ادىستەمەلىك ورتالىق اياسىندا «ۇلتتىق بىرەگەيلىك جانە مەملەكەتتىك تۇراقتىلىق» اتتى رەسپۋبليكالىق ونلاين-سەمينار ءوتتى.
ءىس-شاراعا بەلگىلى قوعام قايراتكەرى، «ءتىل جاناشىرى» اسىلى وسمان، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ اعا وقىتۋشىلارى، ساياساتتانۋشى رۋسلان جاقىپوۆ پەن «باربانگ» قازاقستان كۇردتەرى قاۋىمداستىعىنىڭ مۇشەسى مۋراد شاميلوۆ، وڭىرلىك «قوعامدىق كەلىسىم» كمم، قازاقستان حالقى اسسامبلەياسىنىڭ مۇشەلەرى، ەتنومادەني بىرلەستىكتەردىڭ وكىلدەرى مەن جاستار قاتىستى.
ونلاين-سەمينار بارىسىندا ۇلتتىق بىرەگەيلىك تاقىرىبى جان-جاقتى قارالىپ، ونىڭ دامۋ كەزەڭدەرى تۋرالى ايتىلدى.
«مەملەكەتتىك تۇراقتىلىعىمىزدىڭ نەگىزگى ۇستىنى – ۇلتتىق جانە ازاماتتىق بىرەگەيلىكتى قالىپتاستىرۋ بولىپ تابىلادى. ءاربىر قازاقستاندىق ازامات وسى ماڭىزدى ۇعىمدى ءوز بويىنان وتكىزىپ، سەزىنىپ، جانە قابىلداعان جاعدايدا بۇگىنگى جاھاندانۋ كەزەڭىندە ءبىزدىڭ ەلىمىز ءوز ورنىن نىق يەمدەنەدى»، – دەدى ساياساتتانۋشى رۋسلان جاقىپوۆ.
سونىمەن قاتار قاتىسۋشىلار ۇلتتىق بىرەگەيلىكتىڭ ءبىر ەرەكشەلىگى – ءتىل ەكەندىگىن اتاپ ءوتتى. ولاردىڭ ايتۋىنشا، قوعامدى ۇيىمداستىرۋدىڭ باستى قۇرالدارىنىڭ ءبىرى – مەملەكەتتىك ءتىلدىڭ الەۋەتى زور جانە ونى ۇيرەتۋ مەن قولدانۋ اياسىن ارتتىرۋ ماڭىزدى.
ايتا كەتسەك، ونلاين-سەمينار الماتى قالاسىنداعى رەسپۋبليكالىق دوستىق ءۇيى مەن ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ باستاماسىمەن ۇيىمداستىرىلدى.
پىكىر قالدىرۋ