19-ساۋىردە الماتى قالاسىنىڭ قحا انالار كەڭەسى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ «ايالا» الەۋمەتتىك قىزمەت ورتالىعى كمم-نە باردى. رەسپۋبليكالىق «قايىرىمدىلىق كەرۋەنى» اكسياسى اياسىندا قاسيەتتى رامازان ايىندا الماتى قالاسى قحا انالار كەڭەسىنىڭ ءتوراعاسى، ورتالىقتىڭ باقىلاۋ كەڭەسىنىڭ مۇشەسى م.ۆ. يسرايلوۆانىڭ باسشىلىعىمەن «ايالا» ورتالىعىندا يگى ءىس-شارا ءوتتى.

الماتى قالاسى «قازاقستان دۇنگەن قوعامى» قوعامدىق بىرلەستىگىنىڭ انالار كەڭەسىنىڭ قولداۋىمەن، ءتورايىمى ريمما ماسىروۆا «ايالا» ورتالىعىنىڭ بۇلدىرشىندەرىنە ۇلكەن تەلەديدار سىيعا تارتتى.

الماتى قالاسى قحا انالار كەڭەسى «ايالا» ورتالىعىنىڭ بالالارى ءۇشىن تۇراقتى نەگىزدە ءتۇرلى قايىرىمدىلىق جانە ويىن-ساۋىق شارالارىن وتكىزىپ تۇرادى. ماسەلەن، حالىقارالىق مۇمكىندىگى شەكتەۋلى جاندار كۇنىندە وسى ورتالىقتاعى 120 بالا مەيرامحاناعا شاقىرىلىپ، ولارعا مەرەكەلىك داستارحان جايىلىپ، جارقىن كونسەرتتىك باعدارلاما مەن انيماسيالىق شوۋ ۇيىمداستىرىلدى. سونداي-اق «مەكتەپكە جول» اكسياسى اياسىندا «ايالا» ورتالىعىنىڭ بالالارى دا نازاردان تىس قالعان جوق. انالار كەڭەسى ولارعا كەڭسە قۇرالدارى بار مەكتەپ ريۋكزاكتارىمەن قامتاماسىز ەتىپ تۇرادى.

انىقتاما ءۇشىن: جۇمىسپەن قامتۋ جانە الەۋمەتتىك باعدارلامالار باسقارماسىنىڭ «ايالا» الەۋمەتتىك قىزمەت ورتالىعى كوممۋنالدىق مەملەكەتتىك مەكەمەسى كمم ءۇي جانە جارتىلاي ستاسيونار جاعدايىندا پسيحونيەۆرولوگيالىق اۋرۋلارى بار، تىرەك-قوزعالىس اپپاراتى بۇزىلعان جانە پسيحونيەۆرولوگيالىق پاتولوگياسى بار 1،5 جاستان 18 جاسقا دەيىنگى بالالارعا جانە 18 جاستان اسقان تۇلعالارعا ارناۋلى الەۋمەتتىك قىزمەت كورسەتەدى. ورتالىق بۇگىندە 229 مۇمكىندىگى شەكتەۋلى جانعا قىزمەت كورسەتەدى.  

«ايالا» الەۋمەتتىك قىزمەت كورسەتۋ ورتالىعىنىڭ نەگىزگى ماقساتى – ءاربىر قىزمەت الۋشىنىڭ جەكە دامۋىن ەسكەرە وتىرىپ، ۇيدە جانە جارتىلاي ستاسيونار جاعدايىندا ساپالى جانە ءتيىمدى ارناۋلى الەۋمەتتىك قىزمەتتەردى كورسەتۋ – الەۋمەتتەندىرۋ، ۇيدە بەيىمدەلۋ، وڭالتۋ جانە قوعامعا ينتەگراسيالاۋ.