قازاقستاندا "جەكە تۇلعالاردىڭ بانكروتتىعى" تۋرالى زاڭ كۇشىنە ەنگەلى بەرى 49 مىڭنان استام ءوتىنىش كەلىپ تۇسكەن. الايدا تۇسكەن وتىنىشتەردىڭ 6 مىڭى عانا قاراستىرىلا باستاعان. ال 65 پايىزدان استامى كەرى قايتارىلعان.
"ەكى اي ارالىعىندا 50 مىڭعا جۋىق ءوتىنىش ءتۇسۋى – جاقسى كورسەتكىش جانە قارجىلاي احۋالدى جاقسارتۋدىڭ جاڭا مۇمكىندىگى... 6 مىڭ ءوتىنىشتى قاراستىرىپ جاتىرمىز جانە جارتى جىل ىشىندە ولار بانكروت بولىپ تانىلادى" – دەدى ەرجان ءبىرجانوۆ سەنات عيماراتىندا.
32 مىڭ ءوتىنىش كەرى قايتارىلعان. وعان قارىز كولەمى مەن ءوتىنىش بەرۋشىنىڭ بىرنەشە نەسيەسىنىڭ بولۋى سەبەپ بولعان. زاڭ بويىنشا بانكروتتىققا ءوتىنىش بەرۋشىنىڭ قارىزى 5،5 ملن تەڭگەدەن اسپاۋى كەرەك. ازاتتىق راديوسىنىڭ حابارلاۋىنشا، ءبىرتانوۆ بانكروتتىققا ءوتىنىش بەرگەندەردىڭ كەيبىرى يپوتەكالىق نەسيەسىن جابۋدى توقتاتپاعانىن دا ايتقان. زاڭعا سايكەس ءوتىنىشى كەرى قايتارىلعاندار ءۇش ايدان كەيىن قايتا ءوتىنىش تۇسىرە الادى.
"كوپ ءوتىنىش بەرۋشىنىڭ مۇلىكتەرى، جەر تەلىمدەرى، كولىكتەرى بار، بۇل سوتتان تىس قارالاتىن بانكروتتىققا قاتىستى. وتىنىشتەردىڭ 70 پايىزى كەرى قايتارىلدى، ءبىراق بۇل قالىپتى پراكتيكا، سەبەبى ءبىز وزگە ەلدەردىڭ تاجىريبەسىن قارادىق" دەدى ءبىرجانوۆ.
ەسكە سالا كەتەيىك، 3 ناۋرىزدان باستاپ قازاقستاندا "جەكە تۇلعالاردىڭ بانكروتتىعى" تۋرالى زاڭ كۇشىنە ەنگەن بولاتىن. ءبىرىنشى نەسيە بيۋروسىنىڭ مالىمەتىنشە، 2023 جىلى 1 قاڭتاردا كەپىلدىكسىز تۇتىنۋ نەسيە پورتەلى 7،4 ترلن تەڭگەگە جەتىپ، ءبىر جىلدا 28،3 پروسەنتكە ۇلعايعان.
پىكىر قالدىرۋ