ەۋرووداق ەلدەرى رەسەيگە سانكسيانى اينالىپ وتۋىنە كومەكتەسىپ وتىرعان ەلدەرگە جاناما سانكسيا سالۋ مەحانيزمىن قاراستىرىپ جاتىر. وعان ءبىرىنشى كەزەكتە ورتالىق ازيا ەلدەرى ءىلىنۋى مۇمكىن. بۇل جونىندە Bloomberg اگەنتتىگى جازدى.
"جاناما سانكسيانىڭ ماقساتى – باسقا ەلدەردىڭ رەسەيگە كومەكتەسۋىن تەجەۋ جانە ماسكەۋ پايدالانۋى مۇمكىن ساۋدا ارنالارىن شەكتەۋ. ەگەر ودان ناتيجە بولماسا، وداق ەكىنشى قادام رەتىندە ماقساتتى تۇردە شەكتەۋ قويۋ مۇمكىندىگىن قاراستىرادى" – دەپ جازدى Bloomberg.
اگەنتتىكتىڭ حابارلاۋىنشا، رەسەي باسقىنشىلىعىنا بايلانىستى ماسكەۋگە سانكسيا سالىنعاننان كەيىن بۇل ەلگە قازاقستان، ءباا، تۇركيا، جۇڭگو جانە وزگە ەلدەردەن ءبىرقاتار تاۋار ءتۇرىن تاسىمالداۋ كۇرت ارتقان.
باتىس ۇكىمەتتەرىنىڭ ايتۋىنشا، ۋكرايناعا شابۋىلداپ جاتقان رەسەيگە بۇل كومپونەنتتەر دروندارى مەن راكەتالارىن جوندەۋ ءۇشىن كەرەك.
پىكىر قالدىرۋ