شەتەلدىك ينۆەستورلار باسشىلىعىندا بىردە–ءبىر ايەل كەزدەسپەيتىن كومپانيالارعا اقشا سالعىسى كەلمەيدى، دەپ حابارلادى "سامۇرىق–قازىنا" ۇلتتىق ءال–اۋقات قورى اق باسقارما ءتوراعاسى نۇرلان جاقىپوۆ. ول بۇل جايلى كومپانيالار مەن ۇيىمداردىڭ باسقارۋشى ورگاندارىندا ايەلدەر ۇلەسىن ارتتىرۋعا باعىتتالعان "گەندەرلىك تەڭدىك" باعدارلاماسىندا ءمالىم ەتتى.

"قازىرگى قوعامدا كومپانيالار گەندەرلىك تەڭدىك پرينسيپىنە ءمان بەرمەسە، وسى ماقساتتا ءىس–ارەكەت جاساماسا، ينۆەستورلار مەن كليەنتتەردىڭ قىزىعۋشىلىعىن جوعالتادى. سوندىقتان بۇل كومپانيا تۇراقتىلىعىن ساقتاۋ ءۇشىن ماڭىزدى ماسەلەلەردىڭ ءبىرى"، – دەدى نۇرلان جاقىپوۆ

ەسكە سالا كەتەيىك، 2022 جىلعى كورسەتكىش بويىنشا ەلىمىزدە باسشىلىق قىزمەتتەگى ايەلدەر سانى 30% عا جەتپەيدى. ال قازاقستانداعى گەندەرلىك ستاتيستيكاعا سايكەس ايەلدەر مەن ەرلەردىڭ اراسىنداعى جالاقى الشاقتىعى 25% قۇرايدى.