ىشكى ىستەر ءمينيسترى 9 مامىردا كسرو تۋىن كوتەرگەندەردىڭ نە ءۇشىن جازالانباعانىن ءتۇسىندىردى. مينيستر مارات احمەتجانوۆتىڭ ايتۋىنشا، زاڭدا كسرو تۋىن الىپ شىعۋعا قاتىستى تىيىم جوق.
"ولارعا ەسكەرتۋ، ءتۇسىندىرۋ جۇمىستارى جۇرگىزىلدى. ءبىز قۇقىقتىق مەملەكەتتە تۇرامىز. سول سەبەپتى وعان تىيىم جوق. الايدا ولاردىڭ ارەكەتى قوعام نارازىلىعىن تۋدىرعاندىقتان، ەسكەرتۋ جاسالدى. ىشكى ىستەر ورگاندارىنىڭ ساقشىلارى ناسيحاتتاۋ، ۇگىتتەۋ، ەسكەرتۋ جۇمىستارىن جۇرگىزدى”، – دەدى مينيستر.
احمەتجانوۆتىڭ سوزىنشە، پوليسيا قىزمەتكەرلەرى زاڭ شەڭبەرىندە قولدارىنان كەلگەندى جاسادى. ال مۇنداي ارەكەتتەردىڭ سوڭى الاۋىزدىققا، قوعامنىڭ بولىنىپ-جىكتەلۋىنە اپارىپ سوقپاس ءۇشىن ءۇشىن زاڭعا وزگەرىس ەنگىزۋ كەرەك دەيدى ۆەدومستۆو باسشىسى.
پىكىر قالدىرۋ