الەۋمەتتىك جەلىلەردە جاساندى ينتەللەكتتىڭ دامۋى، اتاپ ايتقاندا GPT چاتىن قۇرۋ ءقازىردىڭ وزىندە 35 ميلليون ادامنىڭ جۇمىسىنان ايىرىلۋىنا اكەلدى دەگەن حابار تارادى. الايدا بۇل جاڭالىق شىندىققا جاناسپايدى.
بۇل جاڭالىق اق ءۇيدىڭ باسپا ءسوز حاتشىسى كارين جان-پەر ميلليونداعان ادامدار جۇمىسىنان ايىرىلعانىن ايتقان سەكىلدى ەتىپ جاسالعان. اقپاراتتا جان-پەردىڭ فوتوسى تۇردى.
شىن مانىندە، وسى تاقىرىپ بويىنشا جەلىدە قاجەتتى زەرتتەۋ جۇرگىزىلدى. الايدا ىزدەۋ ەشقانداي ناتيجە بەرمەدى. بۇل اقپاراتقا قاتىستى ەشقانداي رەسمي مالىمدەمە جوق. ءبىراق ءدال وسىنداي فوتوسۋرەت كارين جان-پەرگە ارنالعان ۆيكيپەديا بەتىندە تابىلدى. سۋرەت 2021 جىلى 26 مامىردا اق ۇيدە تۇسىرىلگەنىن بولىپ شىقتى. ال 2021 جىلى GPT چاتى جاسالماعان ەدى. ونىڭ پيلوتتىق نۇسقاسى 2022 جىلدىڭ 30 قاراشاسىندا عانا پايدا بولدى. دەمەك، كارين جان-پەر 2021 جىلدىڭ مامىرىندا GPT چاتىنا بايلانىستى جۇمىستان شىعارۋ تۋرالى قانداي دا ءبىر مالىمدە جاساۋى مۇمكىن ەمەس.
بۇگىنگى تاڭدا ساراپشىلار بۇل جاساندى ينتەللەكت كەيبىر كۇندەلىكتى جۇمىس بارىسىندا ادامداردى الماستىرا الادى دەپ بولجايدى. ءبىراق جاپپاي جۇمىسسىزدىق تۋرالى ەشقانداي بولجام جاسالمادى.
لاۋرا نۋرسكيي بريۋسسەلدەگى Bruegel تالداۋ ورتالىعىنداعى بولاشاق جۇمىس توبىنىڭ عىلىمي قىزمەتكەرى جانە جەتەكشىسى، Al Jazeera تىلشىسىمەن سۇحباتىندا جاساندى ينتەللەكت ادامداردى الماستىرمايتىن، تەك ولاردىڭ جۇمىسىن تولىقتىراتىن جانە ونى تيىمدىرەك جانە ءونىمدى ەتەتىن سەناريي بولۋى مۇمكىن ەكەنىن ايتتى. جاساندى ينتەللەكتتى ەنگىزۋ سونىمەن قاتار ۇلكەن دەرەكتەر مەن ماشينالىق وقىتۋدان اقپاراتتىق قاۋىپسىزدىك پەن سيفرلىق ماركەتينگكە دەيىنگى زاماناۋي سالالاردا جاڭا جۇمىس ورىندارىن قۇرۋعا قابىلەتتى.
قورىتىندىلايتىن بولساق، 35 ميلليون ادام جاساندى ينتەللەكتتىڭ كىناسىنەن جۇمىسىنان ايىرىلدى دەگەن مالىمدەمەلەر نەگىزسىز.
پىكىر قالدىرۋ