الەۋمەتتىك جەلىلەردە ەو قازاقستانعا ءپروستاتيتتى ەمدەيتىن دارى-دارمەكتەردى جەتكىزگەنى تۋرالى حابارلاندىرۋ پايدا بولدى. بۇل پرەپاراتتى ءوتىنىش بەرۋ ارقىلى تەگىن الۋعا بولادى. اتالعان حابارلامانىڭ جالعان ەكەنىن حابارلايدى Qamshy.kz اقپارات اگەنتتىگى.

جالعان جارناما Facebook الەۋمەتتىك جەلىدە تارالعانى تۋرالى حابارلاندى. اتالعان اقپاراتقا اۆتورلار ق ر دەنساۋلىق ساقتاۋ مينيسترلىگىنىڭ باسشىسى اجار عينيات پەن ددۇ باس ديرەكتورى تەدروس گەبرەيەسۋستىڭ سۋرەتىن تىركەگەن. بۇل سۋرەت 2022 جىلدىڭ 25 مامىرىندا گەبرەيۋس ددۇ باسشىسى رەتىندە ەكىنشى مەرزىمگە قايتا سايلانعاننان كەيىن باق-تا جاريالانعانى انىقتالدى.

فاكچەكينگ جاساعاندار بۇل فوتوسۋرەتتىڭ ەو-نىڭ كەز-كەلگەن دارى-دارمەكتەرىنە قاتىستى ەمەس ەكەنىن اتاپ ءوتتى.

سونداي-اق، دەنساۋلىق ساقتاۋ مينيسترلىگى ەو-دان قازاقستانعا پروستاتيتكە قارسى بىرەگەي پرەپاراتتار جەتكىزىلمەگەنىن حابارلادى.

"بۇل دۇرىس ەمەس اقپارات"، – دەپ ءتۇسىندىردى ۆەدومستۆونىڭ باسپا ءسوز قىزمەتى.

سونىمەن قاتار، فاكچەكت فوتوسۋرەتتەگى جارنامادا پروستاتيتكە قارسى دارى-دارمەكتىڭ جارنامالانعانىن ايتادى، ءبىراق سۋرەتتىڭ استىنداعى ءماتىن كاتاراكتا وپەراسياسىنىڭ ارتىقشىلىقتارى تۋرالى ايتادى.

"شىن مانىندە، پوستقا تىركەلگەن سىلتەمەنى باسۋ ارقىلى پايدالانۋشىلار دارى-دارمەكتەردى دە، جەڭىلدىكتەردى دە المايدى. ولار ادامدار تۋرالى جەكە اقپارات الۋ ءۇشىن الاياقتار جاساعان فيشينگتىك سايتقا تۇسەدى. مىسالى، ولار تولەم كارتالارىنىڭ دەرەكتەرىن، ونلاين-بانكينگتەردەن، اقىلى شوتتاردان جانە باسقالاردان لوگيندەر مەن پارولدەردى يەلەنۋى مۇمكىن"، – دەلىنگەن ماتەريالدا.