اتىراۋدا پوليسەيلەر بەلگىلى جۋرناليست ۆيكتور سۋتياگيننىڭ كولىگىن ورتەپ جىبەردى دەگەن كۇدىكپەن ەر ادامدى ۇستادى. بۇل تۋرالى قازاقستان ءىىم رەسمي ارناسى حابارلادى.
ۆەدومستۆو مالىمەتىنشە، پوليسيا ءجۋرناليستىڭ كولىگىن ورتەپ جىبەردى دەگەن كۇدىكپەن ەر ادامدى ۇستاعان.
"اتىراۋ وبلىسىنىڭ كريمينالدىق پوليسيا قىزمەتكەرلەرى ۇيىمداسقان قىلمىسقا قارسى كۇرەس باسقارماسىمەن بىرلەسىپ، ءجۋرناليستىڭ كولىگىن ورتەپ جىبەردى دەگەن كۇدىكتىنى انىقتاپ، ۇستادى"، - دەلىگەن حابارلامادا.
سونىمەن قاتار، قازىرگى ۋاقىتتا بۇل فاكت بويىنشا تەرگەۋ جالعاسىپ جاتقانى حابارلاندى.
ەسكە سالا كەتەيىك، 11 مامىردا "قازاقپاراتتىڭ" اتىراۋداعى مەنشىكتى ءتىلشىسى ۆيكتور سۋتياگيننىڭ كولىگى ورتەنگەن بولاتىن. ۆيكتور سۋتياگيننىڭ ايتۋىنشا، تۇنگى ەكىدەن كەيىن ەر ادامنىڭ كولىگىنە جاقىنداعانىن، كولىك ماڭىندى بىردەڭە جاساعانى كامەراعا ءتۇسىپ قالعان، سودان كەيىن كولىك ورتەنگەن.
قىلمىستىق كودەكستىڭ 202 بابى، 3 بولىگى بويىنشا جابىرلەنۋشىنىڭ ارىزى تىركەلگەن ەدى.
پىكىر قالدىرۋ