جامبىل وبلىسىنىڭ تۇرعىنى ۆاسيليي كوۆەشنيكوۆ ءوزىن دەپۋتات جيگۋلي دايرابايەۆتىڭ ۇلدارى قۇلدىقتا ۇستاعانىن ايتتى. ول بىرنەشە رەت قاشىپ كەتپەك بولعان. ءبىراق ارەكەتى ءساتسىز اياقتالىپ، مارات دايرابايەۆ ونى سوققىعا جىققان.
"قۇلپىناي القابىن قارادىم، قىستا ديداردىڭ مالىن باقتىم. ءبىر تيىن دا كورمەدىم. ۋازدا تۇردىم، تەز پىسەتىن كەسپە جەدىم. مارات مەنى ەكى رەت ۇردى. سودان ءبىر اي بويى تۇرا الماي قالدىم. ءبىر كۇنى قاشىپ شىعىپ، مەركەگە تاڭعى ۇشتە جاياۋ جەتتىم"، — دەيدى ۆاسيليي كوۆەشنيكوۆ.
بۇل تۋرالى جيگۋلي دايرابايەۆ كوۆەشنيكوۆتى تانىمايتىنىن ايتىپ پىكىر بىلدىرگەن. الايدا ۇلىنىڭ قول استىندا ءبىر جارىم جىلداي جۇمىسشى بولعانىن راستادى، دەپ حابارلادى كازتاگ اگەنتتىگى.
"ەشقانداي قۇلدىق تۋرالى اڭگىمە بولۋى مۇمكىن ەمەس، ول ءوز ەركىمەن بولعان جانە كەز كەلگەن ۋاقىتتا جۇمىستان كەتە الاتىن. قۇجاتتارى دا وزىندە بولدى"، — دەدى دەپۋتات.
دايرابايەۆتىڭ ايتۋىنشا، وعان قارسى اقپاراتتىق شابۋىل ۇيىمداستىرىلعان. بۇل جاڭالىق تا سولاردىڭ بىرەۋى.
پىكىر قالدىرۋ