رەسەي قازاقستاننان جالعا العان 8،5 ملن گەكتار جەردى پوليگون رەتىندە پايدالانىپ كەلەدى. جالعا بەرىلگەن اۋماقتىڭ ءار گەكتارى – 1050 تەڭگە. بۇل باعا 2005 جىلدان بەرى وزگەرمەگەن.
قورعانىس مينيسترلىگىندەگىلەردىڭ مالىمەتىنشە، قاراعاندى، جامبىل، اقتوبە، قىزىلوردا جانە ۇلىتاۋ وبلىستارىنداعى اۋماعى 7 ميلليون گەكتار بولاتىن سارى–شاعان سىناق الاڭى رەسەيگە جالعا بەرىلگەن.
بۇل پوليگونداردا رەسەي قارۋلى كۇشتەرى اسكەري تەحنيكالارىن سىناقتان وتكىزەدى. ۆەدومستۆونىڭ حابارلاۋىنشا، بۇدان قازىناعا جىل سايىن 10 ميلليارد تەڭگە تابىس تۇسەدى. جالعا الۋ شارتى 1993–2030 ارالىعىنا جاسالعان.
