رەسەي قازاق ستۋدەنتتەرىنە بولىنەتىن گرانت سانىن ارتتىرعان. وتكەن جىلى رەسەيدە ءبىلىم الۋ ءۇشىن قازاقستاندىقتارعا 500 گرانت بولىنسە، بيىل گرانت سانى 700 گە ارتقان.
ءبىلىم گرانتىنىڭ جەڭىمپازدارى رەسەيلىك جوعارى وقۋ ورىندارىندا تەگىن وقىپ، جاتاقحانادان ورىن جانە شاكىرتاقى الادى، دەپ حابارلادى rambler.ru پورتالى.
"وقۋ تەگىن، وعان قوسا جاتاقحانا بەرىلەدى، ستۋدەنتتەردىڭ قالاي وقيتىنىنا قاراماستان شاكىرتاقى تولەنەدى. ءتىپتى، ۇشكە وقيتىن ستۋدەنتتەر دە شاكىرتاقى الادى"، – دەدى روسسوترۋدنيچەستۆونىڭ استاناداعى وكىلدىگىنىڭ باسشىسى ولگا فيلونوۆا.
ەسكە سالا كەتەيىك، ءقازىر رەسەيدە 60 مىڭنان استام قازاقستاندىق ستۋدەنت ءبىلىم الىپ جاتىر.
پىكىر قالدىرۋ