الماتى قالاسىنىڭ وڭىرلىك كوممۋنيكاسيالار قىزمەتى قالالىق جانە رەسپۋبليكالىق ب ا ق اراسىندا "الماتى قالاسىنىڭ الەۋمەتتىك-ەكونوميكالىق دامۋى" تاقىرىبىنداعى ۇزدىك جاريالانىمدارعا كونكۋرس باستالادى.

كونكۋرسقا 2022 جىلعى 1 ماۋسىمنان باستاپ 2023 جىلعى 31 مامىرعا دەيىن (قوسا العاندا) نوميناسيالار بويىنشا ەفيرگە شىققان نەمەسە ب ا ق جانە الەۋمەتتىك جەلىلەردە جاريالانعان جۇمىستار قابىلدانادى.

وتىنىمدەر مەن جۇمىستار 2023 جىلعى 15 مامىردان باستاپ قابىلدانادى (قوسا العاندا).
وتىنىمدەر مەن جۇمىستاردى قابىلداۋ 2023 جىلعى 5 ماۋسىمدا اياقتالادى (قوسا العاندا).

مەملەكەتتىك جانە ورىس تىلدەرىندەگى نەگىزگى نوميناسيالار:
1) "المالى قالا" - الماتى قالاسىنىڭ الەۋمەتتىك-ەكونوميكالىق دامۋى تۋرالى سيۋجەتتەر سيكلى؛
2) "جۇمىس جانە مەرەكە كۇندەرى " - الماتى قالاسىنىڭ ەڭبەكقور ادامدارى تۋرالى باسپا باسىلىمىنداعى ۇزدىك ماتەريال؛ 
3) "ايقارا بەت" - قالا ءومىرى تۋرالى ۇلكەن تالدامالىق ماتەريال (الماتى). 

مەملەكەتتىك جانە ورىس تىلدەرىندەگى قوسىمشا نوميناسيالار:
1) "جەمقورلىق - ىندەت، ونىمەن كۇرەسۋ - مىندەت" - سىبايلاس جەمقورلىققا قارسى تاقىرىپتا باق-تاعى ۇزدىك جاريالانىم؛  
2) "سيفرلىق الماتى" - مەگاپوليستەگى سيفرلاندىرۋ تۋرالى سيۋجەتتەر، جاريالانىمدار، پوستتار، بەينەروليكتەر؛
3) "نىسانا" - قالانىڭ پروبلەمالىق ماسەلەلەرى جانە ولاردى شەشۋ جولدارى تۋرالى باق-تاعى جاريالانىمدار؛
4) "وبەكتيۆتەگى قالا" - الماتى قالاسى تۋرالى ۇزدىك فوتو جۇمىس؛
5) "تەلەگرام جەلىسىندە" - الماتىنىڭ الەۋمەتتىك-ەكونوميكالىق دامۋى تۋرالى تەلەگرام-كانالداعى ۇزدىك جاريالانىم.

كونكۋرسقا قاتىسۋ ءۇشىن ءوتىنىمدى (ءوتىنىش بەرۋشىنىڭ ءاتى-جونى، ب ا ق اتاۋى، ماتەريالدىڭ ەلەكتروندىق نۇسقاسى جانە ماتەريالعا سىلتەمەنى (ءبىر ءوتىنىش بەرۋشىدەن 3 ماتەريالدان ارتىق ەمەس)، نوميناسيانى، بايلانىس دەرەكتەرىن ناقتى كورسەتۋ) اعىمداعى جىلدىڭ 5 ماۋسىمىنا دەيىنگى مەرزىمدە الماتى قالاسىنىڭ وڭىرلىك كوممۋنيكاسيالار قىزمەتىنىڭ ەلەكتروندىق مەكەنجايىنا جىبەرۋ قاجەت: info@rsk.almaty.kz "كونكۋرسقا قاتىسامىن" دەگەن جازبانى قالدىرۋ ارقىلى. 

بايقاۋ جەڭىمپازدارى ءار ساناتتا باعالى سىيلىقتارمەن جانە ماقتاۋ قاعازدارىمەن ماراپاتتالادى.