1 ماۋسىم – حالىقارالىق بالالاردى قورعاۋ كۇنى. قازىرگى تاڭدا ەلىمىزدە 6 ملننان استام بالا بار. بۇل قازاقستان حالقىنىڭ 31 پايىزىن قۇرايدى. الايدا سول بالالاردىڭ قۇقىعى قورعالىپ جاتىر ما؟

ستاتيستيكا بويىنشا ەلىمىزدەگى بالالاردىڭ 63 پايىزى بۋللينگ كۋاگەرى بولسا، 44 پايىزى ديسكريميناسيا قۇربانى اتانعان. ال مەكتەپ وقۋشىلارنىڭ 24 پايىزى ءوز قاتارلاستارىنا قىسىم كورسەتكەن.

قازىرگى قوعامنىڭ وزەكتى ماسەلەلەرىنىڭ ءبىرى — بالالار اراسىنداعى سۋيسيد. 2020 جىلى – 144، 2021 جىلى – 175، ال 2022 جىلى 155 بالالار ءسۋيسيدى تىركەلگەن. اسىرەسە سوڭعى جىلدارى قازاقستاننىڭ ءتورت وڭىرىندە بالالار ءسۋيسيدى كۇرت كوبەيگەن.  Wisevoter ەسەبىنە سايكەس، 2023 جىلى قازاقستان سۋيسيد ستاتيستيكاسى بويىنشا 178 ەلدىڭ ىشىندە 19 ورىندا تۇر.

سونىمەن قاتار، 2019 جىلعى كورسەتكىش بويىنشا پەدوفيليانىڭ 2800، 2020 جىلى 1350 فاكتىسى تىركەلسە، 2021 جىلى 1861 پەدوفيل تۇزەتۋ كالونياسىنا تۇسكەن.