الماتى وبلىسىنىڭ 360 گرادۋس فورماتىنداعى ۆيدەوسىن تۇسىرۋگە 17 ميلليون تەڭگە جۇمسالماق. بۇل تاپسىرىس مەملەكەتتىك ساتىپ الۋ سايتىندا جاريالانعان.
تاپسىىس بويىنشا الماتى شەنەۋنىكتەرى تۋريستىك نىسانداردىڭ VR ۆيدەوسىن 17 ملن تەڭگەگە تۇسىرمەك. ال مۇنداي فورماتتاعى ۆيدەو تۇسىرۋشىلەر ادەتتە 50 مىڭنان باستالاتىن قارجى سۇرايدى.
وبلىستىڭ تابيعي، تاريحي، كيەلى جانە باسقا دا تۋريستىك نىساندارى بار بەينەروليك 90 سەكۋندتان قىسقا بولماۋى كەرەك. Orda.kz مالىمدەۋىنشە، ۆيدەو قازاق، ورىس، اعىلشىن تىلدەرىندە بولۋى قاجەت.
تاپسىرىس كريتەرييلەرى جوعارى بولعاندىقتان، العاشىندا ونى ەشقانداي كومپانيا قابىلداماعان. سوندىقتان تاپسىرىس سايتقا ەكىنشى رەت جاريالانىپ وتىر.
پىكىر قالدىرۋ