قاسىم–جومارت كەمەل ۇلى توقايەۆ 2019 جىلدىڭ 20 ناۋرىزىندا قازاقستان رەسپۋبليكاسىنىڭ پرەزيدەنتى بولىپ سايلاندى. توقايەۆ ەل پرەزيدەنتى رەتىندە سوڭعى بەس جىلدا قازاقستاندا ءتورت رەت ازا تۇتۋ كۇنىن جاريالاعان.
• ولاردىڭ العاشقىسى – 2020 جىلدىڭ 13 شىلدەسىندەگى كوروناۆيرۋس پاندەمياسىنا بايلانىستى ازا تۇتۋ كۇنى. رەسمي ستاتيستيكاعا سۇيەنسەك، كوروناۆيرۋستان قازاقستاندا 13 848 ادام قازا تاپقان.
• 2021 جىلدىڭ 26 تامىزىندا جامبىل وبلىسىنىڭ بايزاق اۋدانىندا وق–دارىلەر قويماسىنداعى ءورت پەن جارىلىس ورىن الىپ، قازاقستان رەسپۋبليكاسىندا جالپىۇلتتىق ازا تۇتۋ جاريالاندى. جارىلىس كەسىرىنەن 17 ادام قازا تاۋىپ، 98 ادام جارالانعان. وسى وقيعادان كەيىن قورعانىس ءمينيسترى نۇرلان ەرمەكبايەۆ ءوز ەركىمەن وتستاۆكاعا كەتكەن بولاتىن.
• 2022 جىلدىڭ 10 قاڭتارىندا ەلىمىزدە "قاڭتار وقيعاسىنا" بايلانىستى جالپىۇلتتىق ازا تۇتۋ كۇنى جاريالاندى. رەسمي ستاتيستيكاعا سۇيەنسەك، قاڭتارداعى جاپپاي تارتىپسىزدىك كەزىندە 238 ادام كوز جۇمعان. ولاردىڭ اراسىندا 4 جاسار ايكوركەم مەلدەحان دا بار. قاڭتار وقيعاسىنا بايلانىستى سوت پروسەسستەرى ءالى كۇنگە دەيىن جالعاسىپ كەلەدى.
• 2023 جىلدىڭ 12 ماۋسىمىندا ەلدە تاعى دا جالپىۇلتتىق ازا تۇتۋ كۇنى جاريالاندى. اباي وبلىسىندا بولعان ورتتەن 14 ادام قازا تاۋىپ، ءبىر ورمانشى ىزدەستىرىلىپ جاتىر. ەل پرەزيدەنتى قازا تاپقاندارى "قۇرمەت" وردەنىمەن ماراپاتتادى. ءقازىر ءورت ءسوندىرۋ جۇمىستارىنا 1500 گە جۋىق ادام جۇمىلدىرىلعان.
پىكىر قالدىرۋ