پرەمەر-مينيستردىڭ ورىنباسارى، قارجى ءمينيسترى ەرۇلان جاماۋبايەۆ قازاقستاننىڭ مەملەكەتتىك قارىزى تۋرالى ايتتى.
"بۇگىندە بارلىق بەلگىلەنگەن بورىشتىق كەلىسىمدەر ساقتالىپ وتىر. مەملەكەتتىك قارىز ءجىو-نىڭ 25 پايىزىنان از بولادى. مەملەكەتتىك بورىشتى باسقارۋدىڭ جۇرگىزىلىپ جاتقان ساياساتى بەلگىلەنگەن قارجىلىق شەكتەۋلەردى قاتاڭ ساقتاي وتىرىپ جۇزەگە اسىرىلادى"، - دەدى جاماۋبايەۆ پارلامەنت پالاتالارىنىڭ بىرلەسكەن وتىرىسىندا.
جاماۋبايەۆ جوعارعى اۋديتورلىق پالاتانىڭ (جاپ) قابىلدانعان مىندەتتەمەلەردىڭ اشىقتىعى مەن ايقىندىلىعىن ارتتىرۋ جونىندەگى باستاماسىن قولدايتىنىن ايتتى. ولار جۇمىس بارىسىندا ەسكەرىلەتىنى ايتىلدى.
"دەپۋتاتتار مەن جوعارعى اۋديتورلىق پالاتانىڭ مەملەكەتتىك جوسپارلاۋ جۇيەسىنە جانە قاراجاتتى پايدالانۋ تيىمدىلىگىن ارتتىرۋعا قاتىستى كوتەرگەن ماسەلەلەرى، سونداي-اق باسقا دا ماسەلەلەر جەكە جول كارتاسىنا ەنگىزىلەدى"، - دەپ تۇيىندەدى ول.
پرەمەر-مينيستر الداعى ۋاقىتتا مەملەكەتتىك قارىز دەڭگەيى ءقاۋىپسىز دەڭگەيدە بولادى.
"بىلتىر بيۋدجەت كىرىسى 42 پايىزعا ءوستى. بيىل دا ۇكىمەت ءوسىمدى كۇتەدى. بۇل قارقىن الداعى ۋاقىتتا دا ساقتالۋى كەرەك. ۆاليۋتالىق تاۋەكەلدەردى ازايتۋ ءۇشىن تەڭگەمەن قارىز الۋ. جالپى، الداعى بەس جىلدا مەملەكەتتىك قارىز دەڭگەيى ءقاۋىپسىز دەڭگەيدە بولادى جانە جالپى ىشكى ءونىمنىڭ 25 پايىزىنان اسپايدى"، - دەدى پرەمەر-مينيستر ءاليحان سمايىلوۆ.
