سەمەيدە بۇعان دەيىن وتپەيدى دەپ حابارلانعان بي-2 روك توبىنىڭ كونسەرتى وتەتىنى حابارلاندى. بۇل تۋرالى كونسەرت ۇيىمداستىرۋشىلارى الەۋمەتتىك جەلىدە جازدى.
"رەسمي تۇردە ءيا!"، دەپ جازدى كونسەرت ۇيىمداستىرۋشىلارى. كونسەرتتىڭ وتەتىنىن جەرگىلىكتى ب ا ق پەن تۇرعىندار دا راستاپ وتىر.
بۇعان دەيىن سەمەي قالاسىنىڭ اكىمدىگى بي-2 توبىنىڭ كونسەرتى توقتاتىلاتىنىن حابارلاعانىمەن، كەيىن Instagram پاراقشالارىنان حابارلامانى ءوشىرىپ تاستاعان.
الەۋمەتتىك جەلى قولدانۋشىلارى قايىرىمدىلىق كونسەرتىنىڭ وتپەيتىنىنە نارازىلىق ءبىلدىرىپ، بي-2 توبىنىڭ رەسەي اگرەسسياسىنا قارسى ەكەنىن دە تىلگە تيەك ەتتى.
ەسكە سالا كەتەيىك، بۇعان دەيىن توپ مۇشەلەرى سەمەيدەگى كونسەرتتەن تۇسكەن قاراجاتتى اباي وبلىسىنداعى ورمان ورتىنەن زارداپ شەككەندەرگە كومەكتەسۋگە اۋداراتىنىن مالىمدەگەن بولاتىن.
پىكىر قالدىرۋ