ءانشى تورەعالي ءتورالىنىڭ قاماۋدا ۇستاۋ مەرزىمى تاعى 3 كۇنگە ۇزاردى. بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى.
ول پوليسيا قىزمەتكەرلەرىنىڭ زاڭدى تالاپتارىنا باعىنباعانى ءۇشىن جازاعا تارتىلىپ، قوسىمشا 3 كۇنگە قاماۋعا الىندى.
الماتى قالالىق اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا ازامات ا-عا قاتىستى اقكو 613-بابى، 1-تارماعى بويىنشا اكىمشىلىك ءىس قارالدى.
"2023 جىلى 14 ماۋسىمدا وتكەندە سوت وتىرىسىندا سوت ازامات ا-نىڭ پوليسيانىڭ زاڭدى تالابىن ورىنداماعانىن انىقتادى. سوت وتىرىسىندا ءتارتىپ بۇزۋشى ءىس ماتەريالدارىندا تىركەلگەن فاكتىلەردى ءىشىنارا ناقتىلادى. سوت قاۋلىسىنا سايكەس، ازامات ا. جوعارىدا اتالعان باپتا قاراستىرىلعان اكىمشىلىك قۇقىق بۇزۋشىلىققا جول بەردى دەپ تانىلىپ، وعان ءۇش تاۋلىككە قاماۋ تۇرىندە اكىمشىلىك جازا تاعايىندالدى"، دەلىنگەن سوت حابارلاماسىندا.
سوت ۇكىمى زاڭدى كۇشىنە ەنگەن جوق.
پىكىر قالدىرۋ