اباي وبلىسىنىڭ پوليسەيلەرى جوعالعان ءجاسوسپىرىمدى ەكى تاۋلىكتەن استام ىزدەدى. 21 ماۋسىم كۇنى كريمينالدىق پوليسيا قىزمەتكەرلەرى جەدەل-ىزدەستىرۋ ءىس-شارالارى بارىسىندا 2008 جىلى تۋعان، 19 ماۋسىمدا ساعات 15:00-دە ۇيدەن بەلگىسىز باعىتتا شىعىپ، حابار-وشارسىز كەتكەن كامەلەتكە تولماعان الەكساندرا يۋرچەنكونىڭ تۇرعان جەرىن انىقتادى، دەپ حابارلايدى Polisia.kz.

70-تەن استام پوليسيا قىزمەتكەرى 2 كۇن ءجاسوسپىرىمنىڭ اينالاسى مەن جاقىن ورتاسىن تەكسەردى.

20 ماۋسىمنان باستاپ سەمەي گارنيزونىنىڭ بارلىق جەكە قۇرامى دابىل قاعىپ، جوعالعان قىزدى ىزدەۋگە باعىتتالعان. قىز بالا الىس اۋدانداعى تانىستارىنان تابىلدى. ۇيىنەن ءبىرىنشى رەت كەتۋى ەمەس.

ءقازىر قىز اتا-اناسىنا بەرىلدى، ونىڭ مىنەز-قۇلقى سەمەي قالاسى اكىمدىگى جانىنداعى كامەلەتكە تولماعانداردىڭ قۇقىقتارىن قورعاۋ جونىندەگى كوميسسيانىڭ وتىرىسىندا قارالادى. سونىمەن قاتار، ۇيدەن بىرنەشە رەت كەتكەنى ءۇشىن ءجاسوسپىرىم ءىىو-دا پاناسىز قالعانى ءۇشىن ەسەپتە بولادى.

وسىعان دەيىن 15 جاستاعى يۋرچەنكو الەكساندرا ميحايلوۆنا ىزدەستىرىلىپ جاتقانى تۋرالى حابار تاراعان ەدى.