بۇرىنعى مادەنيەت ءمينيسترى ارىستانبەك مۇحامەدي ۇلىنىڭ ءىسى بويىنشا 7 جىلعا سوتتالعان ەسەپشى ايىم ءسادۋاقاسوۆانىڭ ۇلى نۇربەك ءسادۋاقاسوۆ پرەزيدەنتكە ۇندەۋ جولدادى.
ول ۇندەۋدە اناسىنا شىعارىلعان ۇكىمنىڭ نەگىزسىز ەكەنىن ايتتتى.
"شەندىلەردىڭ شايقاسىندا قاراپايىم قىزمەتكەر زارداپ شەكتى. ءىستىڭ تاپسىرىس بويىنشا جاسالعانىنا سەنىمدىمىن، ويتكەنى سوت وتىرىسىندا ايىپتى دالەلدەيتىن بىردە-بىر فاكت نە كۋاگەر بولعان جوق. ءقازىر اناسى ءتىرى بولا تۇرا 6 جاسار قارىنداسىم جەتىم قالدى. مەن ەشقانداي كومەك سۇرامايمىن، تەك ادىلدىكتى تالاپ ەتەمىن" – دەدى نۇربەك ءسادۋاقاسوۆ الەۋمەتتىك جەلىدەگى ۆيدەوسىندا.
ەسكە سالا كەتەيىك، 20 ماۋسىمدا ۇلتتىق مۋزەيگە قاتىستى "قارجى جىمقىرۋ" ءىسى بويىنشا ارىستانبەك مۇحامەدي ۇلى 8 جىلعا باس بوستاندىعىنان ايىرىلعان ەدى. مينيسترمەن بىرگە ونىڭ ورىنباسارى الماز نۇرازحان، "Exponat" ج ش س ديرەكتورى ازامات كوشەنوۆ جانە باس ەسەپشى ايىم ءسادۋاقاسوۆا دا سوتتالدى.
پىكىر قالدىرۋ