بۇگىن 25 كۇنگە قاماۋ مەرزىمى اياقتالعان جۋرناليست دۋمان مۇحامەدكارىم قوسىمشا 48 ساعاتقا قاماۋعا الىندى. بۇگىن كەشكە نە ەرتەڭ 2 ايعا قاماۋ تۋرالى سوت وتەدى.
بۇل جونىندە ءجۋرناليستىڭ ادۆوكاتى عالىم نۇرپەيىسوۆ ازاتتىق راديوسىنا حابارلاعان. جۋرناليست "ەكسترەميزمدى قارجىلاندىرۋ" بابى بويىنشا كۇدىكتى دەپ تانىلعان.
ادۆوكات عالىم نۇرپەيىسوۆتىڭ ايتۋىنشا، جۋىردا عانا اشتىعىن توقتاتقان دۋمان مۇحاممەدكارىمنىڭ دەنساۋلىعى ناشارلاعان
ءبىر كۇن بۇرىن يزولياتوردا بۇيرەگىنەن "پريستۋپ" ۇستاعان. وعان مەديسينالىق تەكسەرۋدەن وتۋگە رۇقسات بەرىلمەگەن. ءقازىر جۋرناليست ىلە اۋداندىق پوليسيا باسقارماسىنىڭ ۋاقىتشا قاماۋ يزولياتورىندا وتىر.
بۇگىن ول 25 كۇن اكىمشىلىك قاماۋدان كەيىن شىعۋى ءتيىس بولاتىن. ونى كۇتىپ الۋعا بەلسەندىنىڭ اكەسى مەن جاقتاستارى كەلگەن. الايدا "ەكسترەميزمدى قارجىلاندىرۋ" جانە "تىيىم سالىنعان ۇيىمنىڭ ىسىنە ارالاسۋ" باپتارى بويىنشا قىلمىستىق ىستە كۇدىكتى تانىلعان ءجۋرناليستى تەرگەۋشىلەر ونى يزولياتوردان جىبەرمەگەن. بۇگىن كەشكە نە ەرتەڭ ونى 2 ايعا قاماۋى مۇمكىن.
ەسكە سالا كەتەيىك، "بەيبىت جيىن وتكىزۋ ءتارتىبىن بۇزدى" دەپ ايىپتالىپ، 25 كۇنگە قامالعان جۋرناليست بۇعان دەيىن "ەكسترەميزمدى قارجىلاندىرۋ" بابى بويىنشا قىلمىستىق ىستە دە "قورعالۋعا قۇقىعى بار كۋاگەر" اتانعان. جاقتاستارى بيلىكتى قاتاڭ سىناپ جۇرگەن ءجۋرناليستىڭ ءىسى ساياسيلانعان دەپ ەسەپتەيدى.
پىكىر قالدىرۋ