ازاماتتىق ىستەر جونىندەگى اپەللياسيالىق سوت القاسى بولات نازاربايەۆتىڭ اپەللياسيالىق شاعىمى بويىنشا ازاماتتىق ءىستى قارادى، دەپ حابارلادى الماتى وبلىسىنىڭ سوتى. ازاماتتىق ىستەر جونىندەگى اپەللياسيالىق سوت القاسى العاشقى سوت شەشىمىن وزگەرىسسىز قالدىردى.
"سوت اۋىل شارۋاشىلىعى ماقساتىنداعى جەرلەردى ءبولۋ كەزىندە وبلىستىق ورگاننىڭ جانە جەر رەسۋرستارىن باسقارۋ جونىندەگى ورتالىق ۋاكىلەتتى ورگانداردىڭ كەلىسىمى بولماعانىن انىقتادى. ازاماتتىق ىستەر جونىندەگى اپەللياسيالىق القا ءبىرىنشى ساتىداعى سوتتىڭ شەشىمىن ونىڭ زاڭدىلىعى مەن نەگىزدىلىگىنە بايلانىستى وزگەرتۋسىز قالدىردى"، - دەيدى وبلىستىق سوت.
قاراساي اۋدانىنىڭ پروكۋراتۋراسى ءبىرىنشى ساتىداعى سوتقا بولات نازاربايەۆتىڭ جەر ۋچاسكەلەرىن ساتىپ الۋ-ساتۋ شارتتارىن جارامسىز دەپ تانۋ تۋرالى جانە جەر ۋچاسكەلەرىنە مەنشىك قۇقىعىن مەملەكەتتىك تىركەۋدى جويۋ تۋرالى تالاپ ارىزبەن جۇگىنگەن بولاتىن. قاراساي اۋداندىق سوتى پروكۋراتۋرانىڭ تالابىن قاناعاتتاندىردى. الايدا بولات نازاربايەۆ سوت شەشىمىمەن كەلىسپەي، اپەللياسيالىق شاعىم جازدى.
ەسكە سالا كەتەيىك، قاراساي اۋدانىندا ورنالاسقان اۋماعى 37 گەكتار بولاتىن جەر تەلىمىنەبولات نازاربايەۆ يەلىك ەتەتىن. ول جەردە قازىرگى كۇنى "بارىس" اۆتوكولىك بازارى ورنالاسقان.
پىكىر قالدىرۋ