اتىراۋ وبلىسى قۇرمانعازى اۋدانىندا جاستارعا تەرروريزمدى ناسيحاتتاعان 4 ادامنان تۇراتىن قىلمىستىق توپ ۇستالدى. بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتىنەن مالىمدەدى.
"ەكسترەميزمگە قارسى ءىس-قيمىل باسقارماسىنىڭ، قۇرمانعازى اۋداندىق پوليسيا ءبولىمى مەن "ارلان" ارنايى جاساعىنىڭ قىزمەتكەرلەرى تەرروريزمدى ناسيحاتتادى دەگەن كۇدىكپەن 4 ادامدى ۇستادى. كۇدىكتىلەر قۇرمانعازى اۋدانىنىڭ 39، 35 جانە 33 جاستاعى تۇرعىندارى. ولاردىڭ تۇرعىلىقتى مەكەنجايلارىن تەكسەرۋ كەزىندە قازاقستان اۋماعىندا تاراتۋعا تيىم سالىنعان ءدىني ادەبيەتتەر مەن ءتۇرلى ناسيحاتتىق جادىنامالار، ۇيالى تەلەفوندار مەن 2 پىشاق تاركىلەندى"، – دەپ حابارلادى دەپارتامەنتتىڭ باسپا ءسوز قىزمەتى.
ءقازىر پوليسيا قىزمەتكەرلەرى ۇستالعان كۇدىكتىلەرگە قاتىستى ق ر قىلمىستىق كودەكسىنىڭ تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ بابى سوتقا دەيىنگى تەرگەۋ جۇمىستارىن جۇرگىزىپ جاتىر.
پىكىر قالدىرۋ