قازاقستاندا التى ايدىڭ ىشىندە ازاپتاۋ ءىسى بويىنشا 17 قاۋىپسىزدىك قىزمەتكەرى سوتتالعان. بۇل جونىندە باس پروكۋراتۋرا حابارلادى.

"ازاپتاۋ فاكتىلەرى بويىنشا كۇشتىك ورگانداردىڭ 35 قىزمەتكەرىنە قاتىستى ءىس سوتقا جىبەرىلدى. 17 ادام سوتتالدى”، –دەلىنگەن پروكۋراتۋرانىڭ جارتى جىلدىقتى قورىتىندىلاۋ ەسەبىندە.

ۆەدومستۆو وكىلدەرىنىڭ ايتۋىنشا، ازاپتاۋدىڭ الدىن الۋ ماقساتىندا زاڭنامالىق شارالار قابىلدانعان.

"قۇقىق قورعاۋ ورگاندارىمەن بىرلەسىپ ايىپتالعان ازاماتتاردى جەتكىزۋ قاعيدالارى بەكىتىلدى، ادامدى ۇستاعان ساتتەن باستاپ مىندەتتى بەينەتىركەۋ قاراستىرىلدى. كولونيالار، تەرگەۋ يزولياتورلارى جانە تەرگەۋ ورگاندارى بەينەباقىلاۋمەن قامتاماسىز ەتىلەدى. ستامبۋل حاتتاماسىنىڭ ستاندارتتارى بويىنشا ازاپتاۋ تۋرالى ىستەردى تەرگەۋ ادىستەمەسى ازىرلەندى"، – دەلىنگەن ەسەپتە.