ءىس-شارا پاندەميادان كەيىن العاش رەت وفلاين فورماتتا ءوتتى. فورۋم باعدارلاماسى پلەنارلىق وتىرىستان جانە تۇراقتى دامۋ ماقساتتارىنا ارنالعان بەس پانەلدىك سەسسيادان تۇردى. 

الماتىدا وتكەن ءحىىى ازاماتتىق فورۋمنىڭ قورىتىندىسى شىعارىلدى.  الماتى ازاماتتىق اليانسىنىڭ ءتوراعاسى قايىرجان ءابدىحالىقوۆ پەن ادام دەنساۋلىعىنا ءقاۋىپ فاكتورلارىنىڭ زيانىن ازايتۋ جونىندەگى ۇلتتىق قاۋىمداستىق – «دەنساۋلىق» زتب ءتورايىمى باقىت تۇمەنوۆا وڭىرلىك كوممۋنيكاسيالار قىزمەتىنىڭ الاڭىندا ءىس-شارا تۋرالى ايتىپ بەردى.

ءىس-شارا پاندەميادان كەيىن العاش رەت وفلاين فورماتتا ءوتتى. فورۋم باعدارلاماسى پلەنارلىق وتىرىستان جانە تۇراقتى دامۋ ماقساتتارىنا ارنالعان بەس پانەلدىك سەسسيادان تۇردى.

«بيىلعى فورۋمنىڭ تاقىرىبى تۇراقتى دامۋ ماقساتتارىنا جانە وسى ماقساتتاردى ىسكە اسىرۋعا ارنالدى. سونداي-اق ازاماتتىق قوعام تۇراقتى دامۋ ماقساتتارىن ىسكە اسىرۋ ماسەلەلەرىندە قالاي كومەكتەسە الاتىنى تۋرالى ءدسوز قوزعاماقپىز. ءبىز فورۋمعا 300-گە جۋىق قاتىسادى دەپ جوسپارلاعانبىز، ءبىراق قورىتىندىسىندا 400-دەن استام ادام بولدى. قاتىسۋشىلار تەك الماتىدان عانا ەمەس، توعىز وڭىردەن ۇەۇ، ازاماتتىق قوعام، مەملەكەتتىك قۇرىلىمداردىڭ وكىلدەرى بولدى. ءبىزدىڭ فورۋم ءىس جۇزىندە الاڭ رەتىندە بارلىق باعىتتار مەن ازاماتتار ساناتىنىڭ وكىلدەرىن جينادى»، - دەدى ق.ءابدىحالىقوۆ.

فورۋم جۇمىسىنا قوعامدىق كەڭەس مۇشەلەرى، الماتى قالاسى ءماسليحاتىنىڭ دەپۋتاتتارى، قازاقستان حالقى اسسامبلەياسىنىڭ مۇشەلەرى، ازاماتتىق بەلسەندىلەر، قالالىق باسقارمالاردىڭ، حالىقارالىق ۇيىمداردىڭ، ساراپشىلار قاۋىمداستىعى مەن بيزنەستىڭ وكىلدەرى قاتىستى.

«پانەلدىك سەسسيالار بارلىق تدم ءمانىن اشاتىن تۇراقتى دامۋدىڭ نەگىزگى ماقساتتارىنا ارنالدى. وزدەرىڭىز بىلەتىندەي، بىزدە بۇۇ قابىلداعان 17 تۇراقتى دامۋ ماقساتى بار. ولار ءدال 21 عاسىرعا باعىتتالعان جانە پروبلەمالاردى دا، ولاردى شەشۋ جولدارىن دا كورسەتەدى. اشتىقپەن، كەدەيلىكپەن كۇرەسۋدەن باستاپ مەملەكەت پەن قوعام اراسىنداعى ءتيىمدى ديالوگقا دەيىن. ءبىز پانەلدىك سەسسيالار وتكىزگەن بەس ۇلكەن باعىتقا نازار اۋداردىق»، - دەپ ءبولىستى سپيكەر.

پانەلدىك سەسسيالاردىڭ تاقىرىپتارى كەلەسىدەي بولدى جانە سۇراقتاردى ءار ءتۇرلى جاعىنان اشىپ ايتتى:

1. «سالاۋاتتى ءومىر سالتى، ينكليۋزيا ي الەۋمەتتىك قورعاۋ».
2. «ادامي كاپيتال مەن گەندەرلىك تەڭدىكتى دامىتۋ»
3. «قالانىڭ تۇراقتى دامۋى».
4. «قوعامنىڭ اشىقتىعى جانە ەستيتىن مەملەكەت».
5. «ءتيىمدى سەرىكتەستىك: قوعام مەن مەملەكەت اراسىنداعى ديالوگ».

ءبىرىنشى پانەلدىك سەسسيانىڭ مودەراتورى ادام دەنساۋلىعىنا ءقاۋىپ فاكتورلارىنىڭ زيانىن ازايتۋ جونىندەگى ۇلتتىق قاۋىمداستىق – «دەنساۋلىق» زتب ءتورايىمى باقىت تۇمەنوۆا ءسوز سويلەدى، ول وسى سەسسيانىڭ وزەكتىلىگىن ەسكەرە وتىرىپ، قاتىسۋشىلاردىڭ ەڭ كوپ سانى جينالعانىن اتاپ ءوتتى.

«ءبىزدىڭ قالا ەلدەگى ەڭ ءىرى قالالاردىڭ ءبىرى بولىپ تابىلادى جانە ونىڭ وزىندىك ەرەكشەلىكتەرى دە، ءتان پروبلەمالارى دا بار. ءبىز بۇعان نازار اۋدارۋعا تىرىستىق. جاستار اراسىندا ەسىرتكىنىڭ تارالۋى جانە ايتۆ-مەن ءومىر سۇرەتىن ادامداردىڭ پروبلەمالارى كوتەرىلدى. ءبىز ءۇشىن بۇل پروبلەمالىق ماسەلەلەردى كوتەرۋ جانە تالقىلاۋ ماڭىزدى بولدى، ويتكەنى بۇل ءبىزدىڭ ۇيىمنىڭ ءقاۋىپ فاكتورلارىنىڭ ءبىرى. ءبىز التى ءقاۋىپ فاكتورى بويىنشا زياندى ازايتۋ تۇجىرىمداماسىن ازىرلەدىك-بۇل تەمەكى شەگۋ، الكوگول، ەسىرتكى، تاماقتانۋ، فيزيكالىق بەلسەندىلىك جانە رەپرودۋكتيۆتى مادەنيەت. پروفيلاكتيكالىق جۇمىس پەن سالاۋاتتى ءومىر سالتى وتە ماڭىزدى.  ءبىز حالىقارالىق تاجىريبەنى ەسكەرە وتىرىپ، ۇسىنىستار ازىرلەدىك»، - دەپ ءبولىستى ول.

ۇيىمداستىرۋشىلار اتاپ وتكەندەي، فورۋمنىڭ باستى ماقساتى – قوعامدىق ۇيىمداردى ءبىر جەرگە جيناپ، قالانىڭ ءتۇرلى وزەكتى ماسەلەلەرىن تالقىلاۋ. بۇگىن ۇيىمداستىرۋ كوميتەتى پانەلدىك سەسسيالار بارىسىندا ازىرلەنگەن ۇسىنىستاردى جينايدى جانە جۇمىسقا قابىلداناتىن بولادى.