ارىس قالاسىنداعى جارىلىستان ۇيلەرى قيراعان تۇرعىنداردىڭ كەيبىرى ارادا ءتورت جىل وتسە دە، ءالى كۇنگە دەيىن وتەماقى الا الماعان.
جاپا شەككەندەر 1 ملرد تەڭگەدەي قاراجات ۋادە ەتىلگەنىن ايتادى. الايدا بۇل قۇرى ءسوز كۇيىندە قالعان. ارنايى كوميسسيا جارىلعىش زاتتان قيراپ قالعان باسپانالاردى كۇردەلى جوندەۋگە جارايدى دەپ شەشكەن. ءبىراق باسپانالاردىڭ ەشقايسى جوندەلمەگەن.
تۇرعىندار قيراعان مۇلكىن وزدەرى جوندەپ الۋعا جاعدايلارى جەتپەيتىنىن مالىمدەدى. ماسەلەدەن ەندى حاباردار بولدىق دەگەن جەرگىلىكتى اكىمدىك وكىلدەرى جاعدايدى جاقسى تۇسىنگەنمەن قولدان كەلەر قايىر بولمايتىنىن جاسىرمادى.
"بۇل ماسەلە قورعانىس مينيسترلىگى تاراپىنان جۇرگىزىلەدى. ارىس قالاسى اكىمدىگى تاراپىنان، گۇلجان مامىت قىزىنىڭ تاراپىنان قورعانىس مينيسترلىگىنە وسى كىسىلەردىڭ ماسەلەسىن قاراۋ تۋرالى حات جولدانعان بولاتىن”، – دەيدى ارىس قالاسى ىشكى ساياسات ءبولىمىنىڭ باس مامانى نۇرجان قۇتتىبەك.
دەرەككوز: استانا ارناسى
پىكىر قالدىرۋ