باس پروكۋراتۋرا رەسەي ازاماتى نيكيتا كيسليسيننىڭ قازاقستاندا ۇستالعانى تۋرالى ايتتى. رەسەيلىك ازامات اقش-تىڭ سۇراۋى بويىنشا ەكستراديسيالىق قاماۋعا الۋ نەگىزدەرىن زەرتتەۋ ءۇشىن قازاقستاندا ۇستالعان.
"ءيا، امەريكالىق يۋريسديكسياسى سۇراۋ ءتۇستى. مەنىڭ ويىمشا، ول باعدارلاماشى نەمەسە اقپارات سالاسىندا جۇمىس ىستەيدى"، - دەدى باس پروكۋروردىڭ ورىنباسارى ۇلان بايجانوۆ.
باس پروكۋروردىڭ ورىنباسارى سۇرانىستىڭ قالاي ورىندالىپ جاتقانىن ءتۇسىندىردى.
"ينتەرپول ارقىلى، مالىمەتتەر بازاسى ارقىلى قىزىل جالاۋشا ىلىنەدى. ول ۇستالدى. ءقازىر ءبىز سۇراۋ سالعان ەلگە: "ونى نە ءۇشىن ايىپتاپ جاتىر؟ وسى ءىستىڭ فابۋلاسىن ناقتى كورسەتۋىن" سۇرايمىز. سودان كەيىن بۇل قۇقىق بۇزۋشىلىق ءبىزدىڭ ەلىمىزدە قىلمىس بولىپ تابىلا ما، جوق پا، سونى تالدايمىز. بۇل ءىس جان-جاقتى زەرتتەلەدى. سوندا عانا ءبىز ەكستراديسيالاۋ نەمەسە ەكستراديسيالاماۋ تۋرالى ءىستى قابىلدايمىز"، - دەدى ول.
ۇلان بايجانوۆتىڭ ايتۋىنشا ۇستالعان ازامات ساياسي باسپانا سۇراسا پروسەس كەشىكتىرىلەدى.
"ەگەر ماسكەۋ ونى كەز كەلگەن جولمەن قايتارعىسى كەلسە، وندا ولار دا ول نە جاساعانىن دالەلدەۋى كەرەك. ەگەر ول رەسەي ازاماتى بولسا جانە ول قايتىپ ورالعىسى كەلسە، ءبىز كەشەندى شەشىم قابىلدايمىز. مەن قانداي شەشىمگە كەلەتىنىمىزدى ءالى ايتا المايمىن"، - دەپ تۇيىندەدى ۇلان بايجانوۆ.
پىكىر قالدىرۋ