الماتىدا 2023 جىلى عارىشتان تۇسىرىلگەن سۋرەتتەردىڭ كومەگىمەن 6 رۇقسات ەتىلمەگەن قوقىس ورنى انىقتالدى

الماتى قالاسى بويىنشا ەكولوگيا دەپارتامەنتىنىڭ حابارلاۋىنشا، قازىرگى ۋاقىتتا ولاردىڭ بارلىعى  جويىلدى. وتكەن جىلى 12 رۇقسات ەتىلمەگەن قالدىقتار ورنى انىقتالدى، ولار دا الىنىپ تاستالدى جانە كىنالىلەر جازالاندى.  وكق بريفينگىندە جۇرگىزىلىپ جاتقان جۇمىستار تۋرالى مەگاپوليستىڭ ەكولوگتارى ەگجەي-تەگجەيلى ايتىپ بەردى.

«قازاقستانعارىشساپارى «ۇك» اق گەوسەرۆيسىنىڭ دەرەكتەرىنە سايكەس الماتى قالاسىنىڭ اۋماعىندا 2022 جىلى 12 رۇقسات ەتىلمەگەن ءتۇرمىستىق جانە قۇرىلىس قالدىقتار ورنى انىقتالدى، سونىنىڭ ىشىندە مەدەۋ اۋدانىندا  رۇقسات ەتىلمەگەن قالدىقتار ورنى 8 نۇكتە، تۇركسىب اۋدانىندا 2 نۇكتە، الاتاۋ اۋدانىندا 2 نۇكتە تىركەلدى،   جەرگىلىكتى اتقارۋشى ورگانداردىڭ كۇشتەرىمەن 12 ورىن تازالانىپ شىعارىلدى. «قازاقستانعارىشساپارى» ۇك» اق گەوسەرۆيسىندەگى جۇمىس جالعاسۋدا جانە تۇراقتى باقىلاۋدا»، - الماتى قالاسى بويىنشا ەكولوگيا دەپارتامەنتى باسشىسى ورىنباسارىنىڭ مىندەتىن اتقارۋشى ەرلان جاقيانوۆ. 

ءجۋرناليستىڭ سۇراعىنا جاۋاپ بەرە وتىرىپ، دەپارتامەنتتىڭ مەملەكەتتىك ەكولوگيالىق باقىلاۋ ءبولىمىنىڭ باس مامانى نۇرجان بولەكبايەۆ الماتىدا ءارتۇرلى جىلدارى قالدىقتاردى جينايتىن ورىنداردىڭ سانى انىقتالعانىن ايتتى.

«گەوسەرۆيستىڭ دەرەكتەرىنە سايكەس 2019 جىلى الماتىدا 86 رۇقسات ەتىلمەگەن قالدىقتار ورنى تىركەلگەن، ولار نەگىزىنەن قالاعا جاڭادان قوسىلعان اۋماقتاردان تابىلعان. اپاتتىق پوليگوندار قوقىس شىعاراتىن كومپانيالار مەن قوقىس شىعارۋمەن اينالىساتىن جەكە تۇلعالاردىڭ جوسىقسىز جۇمىسىنان پايدا بولادى. زەرتتەۋ ناتيجەلەرى بويىنشا دەپارتامەنت اكىمدەرگە حات جولدادى، سوندىقتان بۇگىنگى كۇنى بارلىعى جويىلدى»، - دەپ ءبولىستى ول.

2020 جىلى الماتىدا 24 رۇقسات ەتىلمەگەن قالدىقتار ورنى، 2021 جىلى - 17 ورىن تىركەلدى. بارلىعى جەرگىلىكتى اتقارۋشى ورگانداردىڭ كۇشتەرىمەن جويىلدى دەپ ايتىلادى. 

سونىمەن قاتار، دەپارتامەنت اپتا سايىن الماتى قالاسىنىڭ اۋداندارى بويىنشا اكىمدىكتەرمەن بىرلەسىپ رەيدتەر وتكىزەدى جانە ستيحيالىق قوقىس ۇيىندىلەرىنىڭ پايدا بولۋىن بولدىرماۋ بويىنشا ءتيىستى شارالار قابىلداۋدا. 

دەپارتامەنت ەگەر تۇرعىندار ورىنسىز جەردە قوقىس شىعارىلعانىنا كۋا بولسا نەمەسە قوقىس تاستايتىن جەرلەردى تاپسا، كەلەسى تەلەفون نومىرلەرى بويىنشا حابارلاسۋ قاجەت ەكەنىن حابارلادى: 239-11-03، 239-11-05.