توتەنشە جاعدايلار مينيسترلىگىنە قاراستى «سەيسمولوگيالىق تاجىريبە-ادىستەمەلىك ەكسپەديسياسى» سەيسميكالىق ستانسيالار جەلىسى 4 شىلدە كۇنى ساعات 02.02-دە جەر سىلكىنىسىن تىركەدى.

جەراستى ءدۇمپۋىنىڭ وشاعى الماتى قالاسىنان وڭتۇستىك-باتىسقا قاراي 2232 شاقىرىم جەردە، كاسپيي تەڭىزىنىڭ اۋماعىندا ورنالاستى.

ەنەرگەتيكالىق ساناتى – 14.2. MPV ماگنيتۋداسى – 5.8. تەرەڭدىگى – 70 كم. ەپيوشاق كوورديناتتارى – 42.29° س.ە. 49.89° ش.ب.

مSك-64 باعانى بويىنشا سەزىلۋ: اقتاۋ قالاسىندا 2-3 بالل.

ايتا كەتەيىك، 4 شىلدە كۇنى ساعات 00.01-دە ازەربايجاننىڭ سەيسمولوگيا قىزمەتتەرى 5،7 ماگنيتۋداسىمەن جەر سىلكىنىسىن تىركەدى. كاسپيي تەڭىزىندە قۋاتتى جەر سىلكىنىسى بولدى. جەراستى تەربەلەسىن ازەربايجاننىڭ جەكەلەگەن اۋداندارى، سونىڭ ىشىندە باكۋ تۇرعىندارى سەزىندى.