شىمكەنتتە ءجاسوسپىرىم زەينەتكەرلەردى 7 ملن تەڭگەگە الداپ كەتكەن. ءقازىر تەرگەۋ امالدارى جۇرگىزىلىپ جاتىر. 

پوليسيا قىزمەتكەرلەرىنىڭ مالىمەتىنشە، ەگدە جاستاعى تۇرعىن الاياقتىق تۋرالى ارىزبەن حابارلاسقان. ايەلدىڭ ايتۋىنشا، وعان بەلگىسىز بىرەۋ قوڭىراۋ شالىپ، ءوزىن پوليسيا قىزمەتكەرى رەتىندە تانىستىرىپ، قىزى جول-كولىك وقيعاسىن جاساعانىن حابارلاعان. كۇدىكتى ەگەر زەينەتكەر بەلگىلى ءبىر سومانى جاقىن ارادا ونىڭ مەكەنجايىنا باراتىن ادامنان بەرىپ جىبەرسە، كىنالى ادام جازادان قۇتىلا الادى دەپ سەندىرگەن. قوڭىراۋ شالۋشى تەلەفوندى ءوز سىبايلاسىنا تاپسىرىپ، ول دىرىلدەگەن داۋىسپەن اناسىنان كومەك سۇراعانداي كەيىپ تانىتقاندا، ايەل سەنىپ قالعان. ارتىنشا قالا تۇرعىنى الاياقتارعا ءوزىنىڭ بارلىق جيناعان 4،5 ملن تەڭگە كولەمىندەگى اقشاسىن بەرگەن.

سول كۇنى پوليسياعا تەلەفون الاياقتارىنىڭ تاعى ءبىر قۇربانى وسىنداي شاعىم ءتۇسىردى. نەمەرەسىنە كومەكتەسۋ ءۇشىن 79 جاستاعى زەينەتكەر 2،5 ملن تەڭگە بەرگەن.

ىزدەۋ شارالارى بارىسىندا جەدەل ۋاكىلدەر بەينەباقىلاۋ كامەرالارىنىڭ كومەگىمەن جابىرلەنۋشىلەردىڭ ۇيىنە قولما-قول اقشا الۋ ءۇشىن كەلگەن جىگىتتى انىقتاپ، ۇستادى. ول تۇركىستان وبلىسىنىڭ 16 جاستاعى تۇرعىنى بولىپ شىقتى. ءوز جاۋابىندا جاس جىگىتتىڭ ءموبيلدى مەسسەندجەر ارقىلى العان نۇسقاۋلارىنا سايكەس ارەكەت ەتكەندىگىن ايتتى. ونىڭ مىندەتى – ايتىلعان مەكەنجايلاردان اقشا الۋ جانە ونى بەلگىلى ءبىر بانكتىك شوتتارعا اۋدارۋ. بۇل ءۇشىن ول 50 مىڭنان 100 مىڭ تەڭگەگە دەيىن اقى الىپ وتىرعان.